1203, du 6 avril, au 31 octobre. — Paris.
Philippe Auguste fait connaître et confirme le règlement établi par Hugue, abbé de Saint-Spire de Corbeil, concernant la résidence des chanoines.
A. Original jadis scellé. Hauteur 378 mm. ; largeur 312 mm. Archives départementales de l'Essonne, dépôt des Archives municipales de Corbeil, 1 AC (Archives de Saint-Spire, GG 383, carton 27).
B. Copie du xiiie s., Cartulaire de Saint-Spire de Corbeil, Bibliothèque municipale de Corbeil, ms. 105, fol. XIV.
C. Copie du xviie s., Bibliothèque nationale, latin 11835, p. 375, d'après B.
a. E. Coüard-Luys, Cartulaire de Saint-Spire de Corbeil, p. 24, n° XIII, d'après B.
Indiqué : Gallia christiana, t. VII, col. 964.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Hugo venerabilis abbas Beati Exuperii Corboliensis qui abbatiam ejusdem ecclesie tunc temporis ex donatione nostra tenebat de foraneitate et servicio prescripte ecclesie de assensu et voluntate nostra provida consideratione disposuit in hunc modum. Quicumque de cetero in ecclesia Beati Exuperii instituetur canonicus per VIIIto menses singulis annis residere et in propria persona ecclesie deservire tenebitur. Ceterum si per residuos quatuor menses servire noluerit vel absens fuerit, instituetur aliquis qui vices ipsius supplebit et de fructibus prebende illius remunerabitur. Si vero residentiam VIIIto mensium singulis annis non fecerit, XXti solidos de prebenda tantum percipiet et nichil amplius. Canonici tamen residentes aut major pars eorum in duobus tantum licentiam dare poterunt absentandi, vacandi scilicet scolis et peregrinandi, quod prohibere non poterunt. De mora tamen peregrinationis prout competens videbitur ordinabitur. Qui vero studere permittetur, quando a capitulo revocabitur, revertetur, aut eum deinceps pro foraneo reputabunt. Si autem quempiam his duabus de causis absentem esse contigerit, canonici in ecclesia residentes vicarium de fructibus prebende, sicut fieri solet, instituent. Si vero quis pro forinseco habeatur, vicario, ut moris est, in ecclesia prius instituto et sumptis expensis que necessarie erunt ad tractandum negocia canonicorum, sicut et de aliis prebendis residui fructus illius prebende canonicis et sacerdotibus in ecclesia beneficiatis et vicariis servicio matutinarum vel majoris misse vel vespare astantibus distribuentur in hunc modum quod canonici et sacerdos majoris altaris ebdomadarius duplam portionem, reliqui vero sacerdotes et vicarii simplam accipient. Hanc autem institutionem singuli, prout constituentur, canonici juramento servare cogentur et quod nec per se nec per alium eam infringere procurabunt. Institutus etiam non prius in choro vel in capitulo ab aliis colligetur aut fructus percipiet prebendales donec coram ipsis juraverit hec se per omnia servaturum. Nos igitur tam piam et laudabilem dispositionem ecclesie predicte credentes non mediocriter in posterum profuturam, pietatis intuitu et ob salutem anime nostre et antecessorum nostrorum eam ratam habemus et, ut perpetuam obtineat stabilitatem, sigilli nostri auctoritate et regii nominis karactere inferius annotato presentem paginam precipimus confirmari. Actum Parisius anno ab incarnatione Domini M° CC° III°, regni nostri anno XX° IIII°, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii.
Data vacante (Monogramme) cancellaria.