1203 [fin avril]. — Le Mans.
Philippe Auguste confirme un accord conclu entre les chanoines de Saint-Aignan d'Orléans et Aubert de Santilly, surnommé Guy, accord suivant lequel les chanoines affranchissent à perpétuité Aubert, Jean, son frère, et leur descendance, reçoivent d'Aubert l'abandon de tout ce qu'il possédait à Santilly ainsi que de la mairie et lui donnent une rente de dix muids de blé pour laquelle il sera l'homme lige soit de l'abbé soit d'un des chanoines.
A. Original perdu, mesurant dix pouces de long sur dix pouces de large, scellé d'un sceau disparu, mais apposé du côté droit, se trouvant encore, au xviiie s., au trésor du chapitre de Saint-Aignan, selon B.
B. Copie datée de 1765, par Dom Gérou, Bibliothèque nationale, Collection Moreau, vol. 105, fol. 165, d'après A.
a. Chanoine R. Hubert, Antiquitez de Saint-Aignan d'Orléans, Preuves, p. 110.
☩ In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod, cum inter decanum et canonicos sancti Aniani Aurelianensis ex una parte, et Albertum de Senteliaco qui Guido cognominatur ex alia parte, contentio verteretur, et eadem questio diutius perdurasset, tandem, communicato proborum virorum consilio, cum predicto Alberto compositio pacis facta est in hunc modum quod ipsi Albertum predictum a servitute corporali qua eis tenebatur et Johannem, ipsius Alberti fratrem, manumiserunt necnon eorum heredes cum ipsis ab eadem servitute in perpetuum liberos esse concesserunt et immunes. Sane sepe dictus Albertus omnia que in parochia de Senteliaco habebat, cum majoria et omnibus que ad eamdem majoriam in universis locis pertinebant tam infra parrochiam quam extra, decano et canonicis penitus resignavit ; necnon Johanne fratre suo et quatuor sororibus suis assentientibus eadem majoriam cum omnibus ad illam balliviam pertinentibus eisdem in perpetuum quittavit. Ipsi autem pro bono pacis sepe memorato Alberto et heredibus suis decem modios frumenti prebendarum, quale inter ipsos canonicos communiter dispensatur, dederunt et assignaverunt in granario suo ad eminam domini regis qua Aurelianis venditur et emitur, singulis annis in festo sancti Remigii percipiendos. Idem vero Albertus predictos decem frumenti modios hereditario jure possidebit, et ipse, propter frumentum istud, homo ligius erit vel decani vel alicujus canonicorum que[m]cumque ei nominatim expresserint. Nos vero ad hoc extremam manum apponentes ut hec manumissio et alia predicta perpetuam obtineant stabilitatem, sigilli nostri authoritate et regii nominis caractere inferius annotato ad petitionem utriusque partis presentem paginam precepimus confirmari. Actum Cenomanis, anno incarnati Verbi M° CC° III°, regni nostri anno XXIIII, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Matthei camerarii. Signum Droconis constabularii.
Data vacante (Monogramme) cancellaria.