1203, du 1er novembre, au 24 avril 1204. — Paris.
Philippe Auguste confirme un accord au sujet de la justice de Puiseaux, entre l'abbaye de Saint-Victor de Paris, d'une part, et d'autre part Geoffroi Héry et son fils.
A. Original scellé en cire verte sur courroie de cuir blanc. Hauteur 380 mm. ; largeur 273 mm. Archives nationales, S 2151, n° 13.
B. Copie du xiiie s. Cartulaire de Saint-Victor de Paris, Archives nationales, LL 1450A, fol. 115.
C. Extrait, Bibliothèque nationale, Collection Clairambault, vol. 562, p. 478.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod cum discordia verteretur inter ecclesiam Sancti Victoris, ex una parte, et Gaufridum Herici et Hericum, filium ejus, ex alia parte, super justicia quam idem Gaufridus et Hericus, filius ejus, dicebant se habere in terra sua Puteolis et, econtra, ecclesia Sancti Victoris justiciam suam esse dicebat, per dictum Tecelini, abbatis Ferreriarum, et Tecelini Porci et Guillelmi de Capella et Guillelmi de Parrevilla, in quorum arbitrium ab utraque parte compromissum erat, in hunc modum terminata est. Predictus Gaufridus et Hericus filius ejus ecclesie Sancti Victoris dederunt et in perpetuum quittaverunt quicquid habebant in villa et parrochia de Puteolis, tam in hospitibus quam in terris et in vineis et in aliis possessionibus, nichil sibi vel posteris suis in hiis que supradicta sunt retinentes ; et ecclesia Sancti Victoris, in excambium predicte quittationis, dedit eis et heredibus suis quicquid habebat in villa que dicitur le Mes que est in eadem parrochia, scilicet herbergagium suum et hospites suos, et in territorio ejusdem ville ducentos octoginta arpennos terre arabilis ad perticam de Puteolis que habet viginti et unum pedem, et quadraginta octo arpennos vinearum et unum quarterium et dimidium, sicut ea possidebat, cum integra supradictorum justicia in perpetuum possidendos. Vinee autem site sunt inter Demont et le Mes et Bardiliacum. Ecclesia vero Sancti Victoris omnia feoda sibi retinuit et minutam decimam cum jure parrochiali. Hoc excambium laudavit et concessit Galterus, filius Philippi quondam camerarii, et feodum suum predicte ecclesie quittavit eo tenore quod ipse et heredes ejus homagium facient abbati Sancti Victoris de eo quod Gaufridus et Hericus, filius ejus, in excambium acceperunt. Gaufridus autem et ejus heredes de Galtero et ejus heredibus hunc (sic) feodum tenebunt. Hanc compositionem fecerunt sepedictus Gaufredus et Hericus, filius ejus, et fide interposita tenendam promiserunt, et hoc laudaverunt et concesserunt Hermensendis, uxor Gaufridi, et Margarita, uxor Herici, et filii et filie predicti Gaufridi, Guillelmus, Tionus, Maria, Eremburgis, Sibilla. Nos autem, ad peticionem utriusque partis, ut predicta perpetuam obtineant stabilitatem, sigilli nostri auctoritate et regii nominis karactere inferius annotato precepimus confirmari presentem paginam. Actum Parisius, anno incarnati Verbi M° ducentesimo tercio, regni nostri anno vicesimo quinto, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii.
Data vacante (Monogramme) cancellaria, per manum fratris Garini.