1204, du 25 avril au 31 octobre. — Paris.
Philippe Auguste confirme une sentence arbitrale intervenue entre l'archevêque de Sens d'une part et d'autre part l'abbé et le couvent de Sainte-Colombe, réglant les droits de ladite abbaye sur la forêt de Nailly.
A1. Original perdu, indiqué dans le Catalogue des archives de Joursanvault, t. I, 1838, p. 370, n° 2072. « C'est sans doute la même charte qui figure, en 1839, sur le Catalogue de la bibliothèque du bibliophile Jacob, n° 1313, et sur le Catalogue d'une collection de chartes et de manuscrits vendue à Bruxelles en mai 1855, n° 112. » (Note de L. Delisle.)
A2. Original. Largeur, 275 mm. environ ; hauteur de la partie conservée, 200 mm. environ. Bibliothèque municipale de Sens, ms. 241, n° 1.
B. Original, seconde expédition de l'original (cf. A et A1). Déchirure de 212 mm. de hauteur sur 75 mm. de largeur dans la partie supérieure gauche. Archives départementales de l'Yonne, H 85.
C. Copie par Dom Cotron dans la Chronique de Sainte-Colombe de Sens, Bibliothèque municipale d'Auxerre, ms. 217, p. 293, d'après A ou B.
Texte établi d'après BC.
[In nomine] sancte et individue Trinitatis. Amen. Philippus Dei gratia Francorum rex. [Noverint unive]rsi presentes pariter et futuri quod, cum inter dilectos et fideles nostros Petrum, archiepiscopum Senonensem [ex una parte et H]eliam, abbatem et conventum Sancte Columbe Senonensis ex alia, super usuario nemorum Naayliaci querela fu[isset diutius agi]tata, tandem idem archiepiscopus de consensu capituli sui et predicti abbas et conventus in Hugonem deca[num et Baufridum], archidiaconum Parisiensem, super ipsa causa unanimiter compromiserunt, et quod ab ipsorum arbitrio mini[me resilirent, su]b pena ducentarum marcarum argenti ad invicem promiserunt. Protulerunt autem predicti arbitri suum arbitrium [in hunc modum] quod, cum due sint silve, una vicinior ville Naayliaci, et altera remotior, que dicitur junior foresta, illam que [propinquior est ville] dixerunt esse liberam ab omni usuario ecclesie Sancte Columbe. In reliqua que junior sive nova foresta dicitur, habebit [dicta ecclesia unam] quadrigatam duorum equorum singulis diebus per totum annum. Aliam vero habebit per tres menses cum prima duorum similiter [equorum, ita quod per tres menses anni habebit duas quadrigatas utramque duorum equorum. Illi autem tres menses incipient a crastino Natalis Domini usque ad Annunciationem Beate Marie, vel a crastino ejusdem Annunciationis usque ad Nativitatem sancti Johannis Bap]tiste et erit in electione monachorum incipere vel a crastino N[at]ivitatis Domini, vel a crastino Annuntiationis, et post inceptionem necesse habebit ecclesia Sancte Columbe illos tres menses conti[nu]are. Dixerunt etiam quod licebit ecclesie Sancte Columbe tam vivum quam mortuum nemus in illa accipere, nec licebit archiepiscopo aliquid facere de foresta ista unde ecclesia usuarium suum amittat. Nos vero, ad petitionem utriusque partis, quoniam utraque tenet de nobis, supradictam transactionem ratam et gratam habemus, et ne per quorumlibet calumpniantium insidias super hoc in posterum val[ea]t questio suboriri, presentem paginam sigilli nostri auctoritate et regii nominis karactere inferius annotato, salvo jur[e n]ostro in perpetuum confirmamus. Actum Parisius, anno Domini millesimo ducentesimo quarto, regni vero nostri anno vicesimo quinto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii. Data vacante (place du monogramme) cancellaria, per manum fratris Garini.