1204, du 25 avril, au 9 avril 1905. — Paris.
Philippe Auguste, moyennant un payement annuel de vingt livres, exempte les tisserands d'Étampes de toutes coutumes, sauf le tonlieu, les amendes pour sang versé, l'ost et la chevauchée, et leur donne des statuts.
A. Original perdu.
a. Le P.B. Fleureau, Les antiquités d'Estampes, p. 132.
b. Ordonnances des rois de France, t. XI, p. 286, d'après a.
c. G. Fagniez, Documents relatifs à l'histoire de l'industrie et du commerce en France, t. I, p. 112, n° 136, d'après b.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod nos, amore Dei, quittavimus omnes textores manentes et mansuros Stampis qui propriis manibus texent, tam in lineo quam in lana, ex omnibus consuetudinibus que ad nos pertinent, scilicet tam de collecta et taillia quam de omni demanda et introitu ministerii, salvis iis quod ipsi dabunt nobis rectum teloneum nostrum, et salva sanguinis effusione, quod probari possit per testimonium legitimorum testium, et salvo exercitu nostro et equitatione nostra. Propter hanc autem liberationem quam eis concessimus, ipsi dabunt nobis viginti libras singulis annis, scilicet X libras in crastino festi sancti Remigii et X libras in crastino Privicarnii. Omnes autem textores ad horam rectam incipient et ad horam rectam dimittent opus suum. Hi vero ad voluntatem suam eligent et constituent, quotiescumque voluerint, quatuor de probis ministerialibus illorum per quos ipsi se justificabunt et emendabunt ea que erunt emendanda. Hi quatuor ministeriales fidelitatem domino regi facient et preposito et jurabunt conservare jus suum et levabunt predictas XX libras. Hi etiam quatuor custodient quod draperia sit fidelis et bona et, si ibi forisfactum fuerit, emenda erit nostra. Concessimus etiam iis quod redditum istum extra manum nostram mittere non possumus. Quod ut perpetuam obtineat stabilitatem, sigilli nostri autoritate et regii nominis caractere inferius annotato presentem paginam precipimus confirmari. Actum Parisius, anno incarnati Verbi M CC IV, regni vero nostri anno XXIV (sic), astantibus in palatio nostro quorum nomina supposita sunt et signa. Dapifero nullo. [Signum] Guidonis buticularii. [Signum] Mathei camerarii. [Signum] Droconis constabularii. Data vacante cancellaria, per manum fratris Guarini.