1204 [juillet]. — Fontainebleau.
Philippe Auguste confirme les rentes de sel que Gautier Giffard et Henri II roi d'Angleterre avaient données à l'abbaye de Notre-Dame-du-Val et les franchises que Richard Cœur-de-Lion lui avaient concédées.
A. Original, jadis scellé en cire verte selon D et E. Hauteur 215 mm. ; largeur 220 mm. Bibliothèque nationale de France, lat. 9072, n° 13, fol. 11.
B. Vidimus de 1311 par le garde de la prévôté de Paris, Archives nationales, K 27, n° 83, d'après A.
C. Vidimus de 1314, Archives nationales, S 4173, n° 16, d'après A.
D. Vidimus de 1318 par le maire et les pairs de la commune de Poissy, Archives nationales, S 4204B, n° 39, d'après A.
E. Vidimus du 21 septembre 1340 par le garde de la prévôté de Chaumont, Archives nationales, K 27B, n° 13, d'après un vidimus de 1308 par le garde de la châtellenie de Pontoise, d'après A.
a. L. Delisle, Cartulaire normand, n° 1077, d'après A.
Indiqué : J. Tardif, Cartons des rois, p. 341, n° 733.
In nomine sancte et individue Trinitatis. Amen. Ph[ilippus] Dei gratia Francorum rex. Noverint universi presentes pariter et futuri quod nos duas pensas salis, quas Galterus comes Gifart dedit ecclesie Sancte Marie de Valle et fratribus Cisterciensis ordinis ibidem Deo servientibus, capiendas singulis annis apud Lorum in pago Calci, infra quindecim dies ante festum beati Johannis Baptiste vel proximo sequentes, et terciam pensam salis, quam Henricus, quondam rex Anglie, eidem contulit ecclesie, in eodem loco et eodem termino capiendam, ei pietatis intuitu, salvo jure nostro, confirmamus. Ea insuper que Ricardus, quondam rex Anglie, eidem dedit ecclesie, videlicet quod ipsi et res et servientes eorum commensales quieti sint de theloneo et passagio et pontagio et pedagio et de modiatione vini et de pasnagio et herbagio animalium suorum per forestas de Lyons et de Bord, et de omnibus rebus quas emerint vel vendiderint vel deportari fecerint, in omni loco potestatis sue, per terram et per aquam, ad proprios usus suos, eidem ecclesie concedimus, salvo jure nostro, et confirmamus. Et volumus quod super hiis omnibus dicta ecclesia sit in eadem tenetura et saisina in qua erat temporibus predictorum regum Henrici et Ricardi. Precipimus autem ballivis et prepositis nostris ut predictos fratres et jura omnia ad ipsos pertinentia manuteneant, et inhibemus, super forisfactura decem librarum nobis reddendarum, ne quis eos vel res vel servientes eorum commensales in aliquo vexet aut disturbet, et ne ponantur in placitam de aliquo nisi coram nobis vel capitali justicia nostra. Quod ut perpetuum robur obtineat, sigilli nostri auctoritate et regii nominis karactere inferius annotato presentem paginam confirmamus. Actum apud Fontem Blaaudi, anno ab incarnatione Domini M° CC° quarto, regni nostri anno vicesimo quinto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii.
Data vacante (Monogramme) cancellaria.