1204, août. — Poitiers.
Philippe Auguste déclare quels seront les droits du vicomte de Thouars en qualité de sénéchal du Poitou et du duché d'Aquitaine.
A. Original scellé en cire verte sur lacs de soie rouge. Hauteur 272 mm., largeur 202 mm. Archives nationales, J 218, n° 3.
B. Copie (formules abrégées) du xiiie s., Registre A de Philippe Auguste, fol. 34 v°.
C. Copie du xiiie s., Registre C de Philippe Auguste, fol. 74 v°, d'après B.
D. Copie du xiiie s., Registre E de Philippe Auguste, fol. 172, d'après C.
E. Copie du xiiie s., Registre F de Philippe Auguste, fol. 136 v°, d'après D.
F. Copie du xive s., Registre B de Philippe Auguste, fol. 39, d'après B.
G. Copie du xive s., Registre D de Philippe Auguste, fol. 97, d'après C.
H. Copie de 1555, collationnée par S. Le Roullyé, garde du Trésor des chartes, Archives nationales, J 748, n° 1, d'après A.
I. Copie par Étienne Baluze, Bibliothèque nationale de France, Collection Baluze, vol. 65, fol. 227.
a. E. Martène, Amplissima collectio, t. I, col. 1049, d'après D ou E.
b. Ordonnances des rois de France, t. XI, p. 288, d'après G.
c. A. Teulet, Layettes du Trésor des chartes, t. I, p. 267, n° 724, d'après A.
Texte établi d'après A.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod hec sunt jura que vicecomes Thoarci, senescallus Pictavie, habebit in senescalcia Pictavie et ducatus Aquitanie. Senescallus Pictavie nichil capiet in dominicis redditibus nostris Pictavie et ducatus Aquitanie ; set idem debet habere de prepositis et preposituris, de singulis quinquaginta libris, unam marcham argenti ad pondus Turonense, quas ipsi persolvent pro preposituris. Si nos vendiderimus nemora nostra, nichil de venditione nemorum habebit. Preterea nullam costumam habebit in forestis nostris. Et si nos fecerimus demandam vel talliam in christianis vel judeis de senescalcia Pictavie et ducatus Aquitanie, illa demanda vel tallia levabitur per manum senescalli ad opus nostrum per legitimum compotum et scriptum ; set idem senescallus nichil habebit de demanda vel tallia. De omnibus aliis tam forefactis quam expletis et servitiis que predicto senescallo fient, habebimus duas partes et senescallus terciam partem. Preterea sciendum est quod dictus senescallus neque per feodum neque per consuetudinem potest querere custodiam castellorum vel fortericiarum nostrarum ; et si nos eidem senescallo forte aliquod castellum vel fortericiam ad custodiendum tradiderimus vel aliquis ex parte nostra, idem senescallus reddet nobis et heredibus nostris vel certo nuntio nostro cui credi debeat et qui litteras nostras patentes super hoc afferat, castella et fortericias integre quotienscumque ea requisierimus vel heredes nostri. Hec omnia servanda bona fide juravit dictus senescallus nobis et heredibus nostris in perpetuum, et nos recepimus de omnibus supradictis, sicut predictum est, eundem senescallum in hominagium ligium, ita quod idem senescallus et heres ejus de uxore sua desponsata tenebunt hec omnia de nobis et heredibus nostris in hominagium ligium sicut predictum est. Quod ut perpetuum robur obtineat, sigilli nostri auctoritate et regii nominis karactere inferius annotato presentem paginam confirmamus. Actum Pictavis, anno ab incarnatione Domini M°CC° quarto, regni nostri anno vicesimo quinto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii. Data vacante cancellaria, per manum fratris Garini.
(Monogramme.)