1204, du 1er novembre, au 9 avril 1205. — Compiègne.
Philippe Auguste confirme la fondation d'un office de marguillier laïque établi dans l'église de Noyon par Étienne, évêque de Noyon ; ce prélat avait assigné audit office un revenu de six muids de blé sur ses moulins de Pont-l'Évêque.
A. Original perdu : original en parchemin aux Archives de la cathédrale de Noyon, d'après B ; scellé en lacs de soie rouge et verte du grand sceau de cire verte, d'après C.
B. Copie par Dom Grenier, Bibliothèque nationale, Collection Moreau, vol. 106, fol. 131, d'après A.
C. Copie par le même, Bibliothèque nationale, Collection de Picardie, vol. 110, fol. 188, d'après A.
D. Copie du xviiie s., Archives nationales, K 185, n° 3, d'après A.
Indiqué : E. Richemond, Recherches généalogiques sur la famille des seigneurs de Nemours, t. I, p. 108, note 10, d'après C.
Texte établi d'après BCD.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod, sicut ex autentico scripto dilecti et fidelis nostri Stephani venerabilis Noviomensis episcopi cognovimus, idem episcopus in ecclesia Noviomensi quamdam matriculariam statuit sex modiorum bladi ad mensuram Noviomensem in molendinis suis de Ponte Episcopi singulis annis accipiendorum in illa parte quam idem episcopus acquisivit et emit ab illis qui in dictis molendinis quartam partem habebant, et idem episcopus Galtero, servienti suo, dictam matriculariam contulit quamdiu idem G[alterus] vixerit possidendam, unde predicto episcopo homagium ligium exhibuit et fidelitatem ; et postquam idem episcopus decessit ad idem tenebitur idem G[alterus] exhibendum successoribus ejusdem episcopi et in ecclesia Noviomensi tenebitur ad faciendum servitium quod et matricularii laici ipsius ecclesie facere tenentur, vel ad aliud sicut episcopi sederit voluntati et ecclesie utilitati viderit episcopus imminere. Concessit etiam idem episcopus dicto Galtero quod dictam matriculariam omnibus diebus vite sue, si voluerit, per vicarium valeat deservire, set alii [quibus] post ejusdem G[alteri] decessum matriculariam habere contingerit, dicti episcopi et successorum ejus episcoporum Noviomensium homines erunt ligii et fidelitatem eis facient, et jurabunt quod dictum officium in propriis facient personis, nisi idem episcopus et successores ejus in suis eos servitiis propriis voluerint detinere, et interim per interpositam personam poterunt deservire, et festis annualibus hostia chori servare et plebem instantem tenebuntur amovere ; idem etiam episcopus donationem hujus matricularie sicut et aliarum trium, que ab eodem episcopo in ecclesia Noviomensi statute clericis tantum debent conferri, sibi et successoribus suis liberam reservat. Nos autem ad petitionem ejusdem episcopi, ut hoc perpetuum robur obtineat, sigilli nostri auctoritate et regii nominis karactere inferius annotato presentem paginam salvo jure nostro confirmamus. Actum Compendii, anno ab incarnatione Domini M° CC° quarto, regni nostri anno vicesimo sexto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii. Data vacante (Monogramme) cancellaria, per manum fratris Garini.