1204, du 1er novembre, au 9 avril 1205. — Paris.
Philippe Auguste confirme l'accord conclu entre ses marchands de Paris, les autres marchands de sa terre et les Bourguignons au sujet du commerce par eau.
A. Original perdu.
B. Vidimus par Philippe VI donné en mars 1346 (n. st.), Archives nationales, K 950, n° 2, d'après un vidimus par Louis X donné en février 1316 (n. st.).
C. Vidimus par Charles VII donné en 1438, Archives nationales, K 950, n° 2 bis, d'après B.
D. Copie de 1461-62, Archives nationales, JJ 198, n° 366, fol. 332, d'après un vidimus par Louis XI donné en 1461.
E. Vidimus par Charles VIII donné en 1483, Archives nationales, K 951, n° 12, d'après A (?).
F. Copie du xve s., Archives nationales, JJ 211, n° 75, fol. 18, d'après D.
G. Copie du xviie s., Archives nationales, K 951, n° 17, d'après un vidimus par Louis XII donné en 1498.
a. M. Félibien, Histoire de Paris, t. I, p. xcviii, d'après B.
b. Ordonnances des rois de France, t. XI, p. 290, d'après A (?) et le Registre A de l'Hôtel de Ville de Paris (fol. 173) aujourd'hui perdu.
c. Ordonnances des rois de France, t. XV, p. 50, d'après D et d'après le Livre A ou Livre rouge de la ville de Paris (fol. 158) aujourd'hui perdu.
Indiqué : Ordonnances des rois de France, t. XIX, p. 177, d'après F.
Texte établi d'après Bb.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod cum inter mercatores nostros de Parisius et alios mercatores de terra nostra et Burgondiones, super mercatura aque esset contentio, predicti mercatores ex utraque parte concorditer convenerunt in hunc modum. Mercatores de terra nostra et Burgondiones qui vadunt in Ysaram poterunt facere mercaturam sine participatione mercatorum Parisiensium, apud Villam novam Sancti Georgii et ultra, apud Gournacum et ultra et a rivo de Aupec inferius ; apud Argentolium etiam et Cormelles poterunt emere et ducere per terram sub predicto rivo de Aupec, et ibi mittere in aquam. Intra metas predictas non poterunt facere mercaturam sine participatione mercatorum Parisiensium, nisi mercatura fiat cum mercatore hansato et manente Parisius ; cum mercatore autem hansato et manente Parisius mercaturam licite facient ubique sine participatione mercatorum Parisiensium. Si autem contra has conventiones facerent Burgondiones et alii mercatores de terra nostra, mercatores Parisienses haberent medietatem de emenda quam nos propter hoc levaremus. Nos autem ad peticionem eorumdem burgensium nostrorum id concedimus et salvis jure et consuetudinibus nostris presentem paginam sigilli nostri auctoritate et regii nominis karactere inferius annotato confirmamus. Actum Parisius, anno ab incarnatione Domini M° CC° quarto, regni vero nostri anno vicesimo sexto, astantibus in palacio nostro, quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii. Data vacante cancellaria, per manum fratris Guerini.