1204, [novembre]. — Dixmont.
Philippe Auguste confirme les privilèges confirmés ou concédés aux hommes de Poitiers par la feue reine d'Angleterre Aliénor, ainsi que la commune à eux concédée par cette reine.
A. Original perdu.
B. Copie du xiiie s. (formules abrégées), Registre A de Philippe Auguste, fol. 25 v°.
C. Copie du xiiie s., Registre C de Philippe Auguste, fol. 45, d'après B.
D. Vidimus de 1241, par Alphonse de Poitiers, Archives municipales de Poitiers, A 5.
E. Vidimus de 1272 par Philippe le Hardi, Archives municipales de Poitiers, A 8, d'après D.
F. Copie du xiiie s., Archives nationales, JJ 30A, fol. 160, n° 458, d'après E.
G. Copie du début du xive s. (formules abrégées), Registre B de Philippe Auguste, fol. 28, d'après B.
H. Copie du commencement du xive s., Registre D de Philippe Auguste, fol. 55, d'après C.
I. Vidimus de 1364 par Édouard, prince d'Aquitaine, Archives municipales de Poitiers, A 17, d'après D.
J. Vidimus de 1372 par Jean, duc de Berry, Archives municipales de Poitiers, A 20, d'après D.
K. Copie du xve s., Archives nationales, JJ 199, fol. 145, n° 232, d'après I.
L. Copie du xvie s., ancien vol. NN des Ordonnances enregistrées au Parlement de Paris ; l'acte est vidimé dans des lettres d'Henri III de mai 1575 enregistrées le 31 janvier 1584 (1re pièce transcrite), Archives nationales, X1a 8637, fol. 114.
M. Copie pour F. de Gaignières, Bibliothèque nationale de France, Collection Gaignières, vol. 677 [= Bibliothèque nationale de France, lat. 17147], fol. 33.
N. Copie du xviiie s., Bibliothèque de Poitiers, Collection Fonteneau, vol. 11, p. 189.
a. Ordonnances des rois de France, t. XI, p. 290, d'après H, avec renvoi à L.
b. A.H. Thibaudeau, Abrégé de l'histoire du Poitou, t. II, p. 340, d'après D.
c. A. Giry, Les Établissements de Rouen, t. II, p. 147, n° XXXIV, d'après B et D.
d. P. Guérin, Recueil de documents concernant le Poitou, dans Archives historiques du Poitou, t. XIX, p. 222, n° DXXXIX, d'après E.
e. Éd. Audouin, Les chartes communales de Poitiers et les Établissements de Rouen, dans Bulletin historique et philologique du Comité des travaux historiques, année 1912, p. 137, d'après BDEIJ.
f. Édition critique et traduction française par G. Pon et Y. Chauvin, « Chartes de libertés et de communes de l'Angoumois, du Poitou et de la Saintonge (fin xiie-début xiiie siècle) », dans R. Favreau, R. Rech et Y.-J. Riou (éd.), Bonnes villes du Poitou et des pays charentais (xiie-xviiie siècles), éd. Mémoires de la Société des antiquaires de l'Ouest, t. 8 (5e série), 2002, p. 106.
Indiqué : M. Dillay, Chartes de franchises du Poitou, Paris, 1927, p. 40, n° 58.
Texte établi d'après Be.
Carta communie Pictavensis.
[1.] In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Alienor regina quondam Anglie reddidit et confirmavit hominibus de villa Pictavensi libertates et jura sua que antecessores eorum habuerunt et tenuerunt tempore avi et patris et aliorum antecessorum ejusdem Alienor (sic) videlicet de filiabus suis maritandis et de omnibus aliis feminis que maritande erunt in quocumque loco fuerint aut extra villam Pictavensem aut infra villam.
[2.] Concessit autem eis quod quando aliquis eorum, ad finem vite sue perveniens, elemosinam suam divisam habuerit, plenarie et integre teneatur, et qui in elemosinam illam violentiam fecerit, a domino ville Pictavensis defendatur, custodiatur et teneri cogatur.
[3.] Ad hoc etiam eis concessit quod nulli eorum qui fidejussores standi juri dare voluerint et potuerint de aliquo forifacto quod in villa fecerint, nisi mulctrarii seu proditores seu latrones fuerint, capiantur nec vi retineantur nec manus in eos vel in res eorum violenter mittantur.
[4.] Ad hoc eisdem concessit quod si aliquis extraneus in villam Pictavensem venerit causa ibi manendi, quamdiu ibidem manserit has predictas libertates habeat ita libere et quiete, sicut alii homines in villa manentes habent et tenent.
[5.] Insuper concessit universis hominibus de Pictavi et eorum heredibus imperpetuum communiam juratam apud Pictavim ut tam ipsius jura quam sua propria melius defendere possent et magis integre custodire, salva tamen et retenta fidelitate ipsius Alienor (sic) et salvo jure ejus et heredum suorum et salvo jure Sancte Ecclesie.
[6.] Preterea statuit et concessit eisdem hominibus Pictavensibus ut omnes libere et usitate consuetudines ville Pictavensis quas antecessores eorum et ipsi, sub ipsius et predecessorum suorum dominio, hactenus habuerunt, eis et eorum heredibus inviolabiliter observentur, et ut, ad ipsas manutenendas et ad jura sua et ipsius Alienor (sic) et heredum suorum defendenda, vim et posse communie sue, quando necesse fuerit, contra omnem hominem, salva fidelitate ejusdem Alienor (sic) et salvo jure suo et heredum suorum et salvo jure Sancte Ecclesie, exerceant et apponant.
[7.] Nos autem, ad petitionem predictorum hominum nostrorum de Pictavi, jura et libertates et omnia supradicta jura, salva fidelitate nostra et heredum nostrorum et salvo jure Sancte Ecclesie et nostro, eis concedimus in perpetuum. Et ut hoc perpetuum robur obtineat, sigilli nostri auctoritate et regii nominis karactere inferius annotato presentem paginam confirmamus. Actum apud Dymon, anno ab incarnatione Domini M° CC° quarto, regni vero nostri vicesimo sexto, astantibus in palatio nostro quorum nomina subscripta sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii.
Data vacante (Monogramme) cancellaria.