1205, [janvier.]. — Paris.
Philippe Auguste confirme l'abandon que Gaucher de Châtillon, seigneur de Montjay, a fait à l'église de Saint-Denis de la gruerie des bois et du territoire de Tremblay, moyennant une somme de quatre cents livres parisis et à condition que les religieux de ladite église ne bâtissent sur ledit territoire ni ville, ni forteresse.
A. Original perdu, scellé, selon un vidimus d'avril 1406, d'un sceau de cire verte sur lacs de soie.
B. Copie du xiiie s., Cartulaire blanc de Saint-Denis, t. I, Archives nationales, LL 1157, p. 465.
C. Copie du xiiie s., Cartulaire de Saint-Denis, t. IV, Bibliothèque nationale, latin 5415, fol. 415.
D. Copie faite en 1492 d'un vidimus d'avril 1406, Archives nationales, K 27, n° 12.
E. Mention du xviie s., Bibliothèque nationale, Collection Dupuy, vol. 11, fol. 12 v°.
a. J. Doublet, Histoire de Saint-Denis, p. 894.
b. Ch. d'Auteuil, Histoire des ministres d'estat, p. 411 (fragment), d'après a.
Texte établi d'après B D.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Galcherus de Castellione, Montis Gaii dominus, pro salute anime sue et patris et matris sue et fratris sui Guidonis et parentum suorum, totam griariam nemorum territorii de Trembleio et quicquid in eisdem nemoribus scilicet et territorio, tam in feodo quam in dominio, pertinebat ad ipsum, assensu et voluntate Elysabeth, uxoris sue, Deo et ecclesie Beati Dyonisii in elemosinam concessit in perpetuum et quittavit, nichil juris sibi penitus vel successoribus suis in aliqua consuetudine vel exactione in prefate ville nemoribus et territorio de cetero retinens ; ita quod nec ipse, nec successores sui in omnibus premissis aliquid in posterum requirent, sed abbas et ministri predicte ecclesie libere et quiete poterunt ibi extirpare, colere, granchias edificare, et omnino quicquid voluerint facere, preter villam et fortericiam. Verum, quia predicta a nobis tenebat, hujusmodi donationem predicte ecclesie Beati Dyonisii a nobis petiit confirmari, et eidem ecclesie de hac donatione rectam garandiam se portaturum coram nobis promisit et creantavit. Hoc etiam nolumus sub silentio preterire quod abbas et ecclesia Beati Dyonisii ipsi Galcherio propter hec predicta quadringentas libras parisiensis monete dederunt. Nos igitur, ad petitionem ipsius Galcherii, quia predicta de nobis tenebat, hujusmodi concessionem et donationem approbamus et laudamus. Et ut predicta omnia perpetuum robur obtineant, sigilli nostri auctoritate et regii nominis karactere inferius annotato, presentem paginam, sicut in ipsius Galcherii auctentico continetur, in perpetuum confirmamus. Actum Parisius, anno incarnati Verbi M° CC° quarto, regni nostri vicesimo sexto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii. Data vacante (Monogramme) cancellaria, per manum fratris Garini.