1205 [février]. — Mantes.
Philippe Auguste confirme le bail que Guy Mauvoisin a fait des deux tiers de la coutume et du conduit de Rosny[-sur-Seine] et de tous les revenus et coutumes de Mantes à la communauté des hommes de Mantes, moyennant cent soixante-treize livres six sous huit deniers de rente.
A. Original scellé, probablement sur lacs de soie, d'un sceau aujourd'hui disparu. Hauteur 295 mm., largeur 250 mm. Archives municipales de Mantes, série AA.
B. Copie du xviiie s., Bibliothèque nationale, Collection du Vexin, vol. 8, p. 840, d'après A.
☩ In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod, sicut ex autentico scripto Guidonis Malevicini cognovimus, idem Guido de assensu uxoris sue Aeliz donavit, tradidit et concessit in perpetuum universitati hominum de Medunta duas partes tocius consuetudinis et conductus Rodoniaci, tam in terra quam in aqua, et duas partes reddituum omnium et consuetudinum Medunte, tam in terra quam in aqua et in hospitibus, sicut pater ejusdem Guidonis, Willelmus Malevicinus, tenuit et habuit, pro centum septuaginta tribus libris et sex solidis et octo denariis annuatim reddendis, excepto fenagio pratorum suorum quod idem Guido sibi retinuit ; in solutione vero predicte pecunie prenominati homines de Medunta reddent duas partes elemosinarum et feodorum, que in illis redditibus statuta sunt et assignata, medietatem vero residui post elemosinas et feoda reddent eidem Guidoni et heredibus suis vel cuicumque ipse Guido et heredes ejus voluerint infra octabas nativitatis Domini, alteram vero medietatem infra octabas Pentecostes. Et ut prefati homines prenominatos redditus et consuetudines in pace teneant et habeant in perpetuum, predictus Guido omnes res suas, ubicumque sint, eis tradidit et concessit in plegium et vadimonium et gara[ntizationem ; ha]nc conventionem super sacrosancta juravit tenendam. Nos autem ad petitionem ipsius Guidonis omnia [predicta], sicut in autentico ejus continentur, laudamus et approbamus. Et ut perpetuum robur obtineat, sigilli nostri auctoritate et regii nominis karactere inferius annotato presentem paginam, salvo servitio nostro, confirmamus. Actum Medunte, anno ab incarnatione Domini M° CC° quarto, regni nostri anno vicesimo sexto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii.
Data vacante (Monogramme) cancellaria, per manum fratris Garini.