1205, du 10 avril au 31 octobre. — Paris.
Philippe Auguste confirme l'abandon du droit d'usage dans la forêt de Marbois consenti, pour mettre fin à une contestation, par Guillaume des Barres aux religieuses d'Yerres au profit de leur maison de Retolu et de leurs hôtes de Marbois, qui continueront à moudre leur grain au moulin dudit Guillaume.
A. Original, jadis scellé sur lacs de soie rouge et verte. Hauteur 260 mm., largeur 210 mm. Archives départementales de l'Essonne, 63 H 66.
B. Copie du xiiie s., Cartulaire d'Yerres, Archives nationales, LL 1599B, p. 12-13.
C. Extrait par Dom Jean Mabillon, Bibliothèque nationale de France, lat. 12669, fol. 4 v°, d'après B.
D. Extrait par F.-R. de Gaignières, Bibliothèque nationale de France, Collection Gaignières, n° 181, p. 611.
C. Copie du xviiie s., Archives départementales de l'Essonne, 63 H 66.
Texte établi d'après A et B.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod, sicut ex autentico scripto dilecti et fidelis nostri Willelmi de Barris cognovimus, cum inter eundem Willelmum et abbatissam et moniales de Edera esset controversia super quodam usuagio, quod ipse moniales dicebant se debere habere in mortuo nemore de Amerbois [ad opus domus ipsarum de Retolu et] novem hospitum suorum de Amerbois, idem Willelmus, cognita veritate, publice recognovit se nichil contradictionis habere in usuagio illo in mortuo nemore, et hoc usuagium in mortuo nemore eisdem monialibus omnino quitavit, sicut moniales predicte illud clamabant, ad opus predicte domus de Retolu et novem hospitum suorum de Amerbois. Ipse vero Willelmus de Barris, nec pro supradicto earumdem monialium usuagio in mortuo nemore, quandocumque ipse voluerit predictum nemus de Amerbois vendere pretermittet, nec ipse moniales, nec ipsarum supradicti hospites, pro venditione quam dictus Willelmus faciet, predictum usuagium in mortuo nemore habere cessabunt. Supradicta vero domus de Retolu et supradicti hospites, quandocumque molere voluerint, ad molendinum predicti Willelmi de consuetudine venient. Ipsi vero consequenter post illum emolent, quem in molendino invenerint emolentem. Quod ut perpetuum robur obtineat, sigilli nostri auctoritate et regii nominis karactere inferius annotato, ad petitionem ejusdem Willelmi, presentem paginam confirmamus, salvo jure nostro. Actum Parisius, anno ab Incarnatione Domini M° CC° quinto, regni nostri anno vicesimo sexto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum [Mathei camera]rii. Signum Droconis constabularii.
Data vacante (Monogramme) cancellaria, per manum fratris Garini.