1205, du 10 avril, au 1er avril 1206. — Gisors.
Philippe Auguste notifie les conditions des mariages projetés : 1° entre Guigue, fils du comte de Forez, et une fille de Guy de Dampierre ; 2° entre Archambaud, fils de Guy de Dampierre, et Guigoine fille dudit comte de Forez. Le roi s'engage à faire observer ces conventions, que l'archevêque de Lyon et Guy de Dampierre, constitués en sa présence, ont juré de tenir.
A. Original perdu.
B. Copie du xiiie s., Registre A de Philippe Auguste, fol. 42 v°.
C. Copie du xive s., Registre B de Philippe Auguste, fol. 47 v°, d'après B.
a. É. Perroy, M. Gonon et É. Fournial, Chartes du Forez antérieures au xive siècle, t. XXI, 1973, n° 1311, p. 86-89.
Indiqué : A. Huillard-Bréholles et A. Lecoy de la Marche, Titres de la maison de Bourbon, t. I, p. 13, n° 49 a, d'après B.
Indiqué : M. Fazy, Les origines du Bourbonnais, t. I, p. 384, n° 490.
Texte établi d'après B.
Notum etc., quod hec sunt conventiones super maritagio inter Guigonem, filium comitis Foresii, et filiam Guidonis de Donnapetra et super maritagio inter Archenbaudum, filium Guidonis de Donnapetra, et Guigoniam, filiam predicti comitis Foresii. Cum Archembaudus, filius Guidonis de Donnapetra, et predicta Guigonia venerint ad etatem matrimonium contrahendi, idem Archembaudus eam in uxorem accipiet, et post decessum Guidonis de Donnapetra patris sui habebit totam terram Borbonesii jure hereditario. Si vero predictam Guigoniam mori contigerit infra etatem nubilem, dictus Archenbaudus haberet alteram filiam comitis Foresii. Similiter cum Guigo, filius comitis Foresii, et filia Guidonis de Donna Petra ad etatem matrimonii contrahendi pervenerint, idem Guigo accipiet illam in uxorem, et si contingeret unam de filiabus Guidonis de Donnapetra mori ante etatem nubilem, ipse Guigo haberet alteram filiam Guidonis de Donnapetra in uxorem. Si quid autem de predicto Guigone humanitus accideret, totus comitatus Foresii deveniret ad predictum Archenbaudum et uxorem ejus filiam comitis Foresii. Sciendum autem est, quod cum idem Archenbaudus filiam comitis Foresii receperit in uxorem, super sacrosancta evangelia jurabit quod nichil reclamabit in comitatu Foresii neque heres ejus quamdiu predictus Guigo vel legitimus heres ejus vixerit. Similiter, cum idem Guigo filiam Guidonis de Donnapetra uxorem acceperit, jurabit quod nichil reclamabit neque heres ejus in terra Borbonesii quamdiu dictus Archenbaudus vel legitimus heres ejus vixerit. De alia vero sorore Guigonis ita erit, quod ipsa non poterit maritari quousque predictus Archenbaudus duxerit in uxorem dictam Guigoniam. Quando vero ipsa maritabitur, de redditibus et exitibus comitatus Foresii habebit duo milia marcarum de mobili lugdunensis monete et mille solidos de redditu et maritabitur per consilium archiepiscopi Lugdunensis et comitis Foresii et Guidonis de Donnapetra. Comes autem Foresii et archiepiscopus Lugdunensis, sub cujus archiepiscopi scilicet tutela idem comes posuit pueros suos et terras eorum, creantaverunt quod ad presens infra octabas instantis Pasche investient Guidonem de Donnapetra de castro et fortericia de Croset cum pertinenciis ejusdem castri et eidem Guidoni dimittunt feoda et hominagia et domania istarum villarum, videlicet Sancti Abundii, Roenne, Sancti Mauricii et gardas etiam que pertinent ad eadem castella, et ipse Guido et Archenbaudus filius ejus tenebunt predictum castrum de Croset et feoda et hominagia et domania predictarum villarum, quousque Guido filius comitis Foresii receperit uxorem filiam predicti Guidonis et cum ipsam in uxorem duxerit, aut per eum non steterit quin eam habeat ; postquam ipsi ad etatem venerint, castrum de Croset et omnia prenominata redibunt integre ad ipsum Guigonem et sine aliqua repeticione expensarum, si quas in illis interim fecerit idem Guido. Homines autem predictarum villarum facient hominagia sub hac forma, quod si Guido de Donnapetra vel Archenbaudus, filius ejus, resilirent ab his conventionibus ex quo maritagium esset factum inter Guigonem et filiam predicti Guidonis vel ex quo ipsi ad etatem debitam venerint, nisi maritagium per predictum Guigonem remanserit vel per suos, predicti homines adhererent predicto Guigoni, nec ex tunc essent cum Guidone de Donnapetra nec cum predicto Archenbaudo filio ejus. Has autem conventiones in presentia nostra juraverunt tenendas archiepiscopus Lugdunensis et Guido de Donnapetra et creantaverunt quod si aliqua inter eos super his conventionibus emergeret contencio, in recordatione nostra esset de illis tenendis, et nos ad peticionem ipsorum predictas conventiones deberemus facere observari vel esse in nocumentum illius qui ab illis conventionibus resilierit. Quod ut perpetuum robur obtineat etc., salvo jure nostro confirmamus. Actum apud Gisorcium, anno Domini M°CC° quinto.