1205, du 10 avril, au 1er avril 1206. — [Paris].
Articles proposés par le roi au sujet des atteintes que le clergé portait à l'exercice de la justice séculière.
A. Original perdu.
a. P. Louvet, Histoire et antiquitez du pais de Beauvaisis, t. I, p. 189.
Anno Domini [1]205, rex Francorum proposuit hec adversus clerum.
Quod clerici trahunt causas feodorum ad curiam christianitatis, quia fiducie fuerunt inter eos inter quos querela vertitur et sic perdunt domini justitiam feodorum suorum.
Quod quando clericus capitur pro forisfacto aperto et traditur episcopo, episcopus debet eum exordinare et tradere baillivis, episcopus liberat eum.
Quod episcopi requirunt a burgensibus ut jurent quod nec prestaverunt ad usuram nec prestabunt, et similiter possunt ab eis petere juramentum quod a peccato se abstinuerunt et abstinebunt.
Quod petunt decimas que tempore antecessorum nostrorum non fuerunt date.
Quando burgenses habent clericum et hereditas burgentie debet domino terre servitium et auxilium, quando burgenses donant ei hereditatem suam, clericus vult esse immunis a servitio et auxilio, et quod debebat domino terre non vult reddere.
Quod quando aliquis accusatur de raptu, clerici nolunt judicium fiat in curia laica, nec causa ibidem tractetur ; immo volunt quod accusatus purget se in curia christianitatis per sacramentum.
Quod clerici qui petunt vineas et terras et alia que debent burgensiam, implacitant laicos per curiam christianitatis.
Quod excommunicatur de eo quod venditur bladum vel alia merx die dominico.
Quod excommunicant eos qui vendunt judeis vel emunt ab eis vel equos ferant.
Quando aliquis de grato suo mittit se in carcerem domini absque vitam et membra perdendo pro se redimendo, et quando rex capit aliquem pro redimendo absque vitam et membra perdendo et fugit ad ecclesiam, ecclesiarum episcopi volunt eum ducere ad salvationem et auferre regi suam redemptionem.