1206, du 2 avril au 31 octobre. — Paris.
Philippe Auguste confirme une vente de dîmes faite à l'église de Chelles par Hugue de Pomponne, depuis le saule de Gagny jusqu'à la rivière de Villevaude, et jusqu'aux pierres du lit de la rivière là où elle conflue avec la Marne. Liste de vingt bourgeois de Chelles qui se sont portés cautions vis-à-vis de l'église pour cinquante livres chacun.
A. Original perdu, scellé selon B de cire verte sur lacs de soie.
B. Copie de 1530, Cartulaire de l'abbaye de Chelles, t. I, Bibliothèque de la ville de Meaux, ms. 59, fol. 4 v°, d'après A.
C. Copie du xviiie s., Archives nationales, K 179, liasse 5, n° 3.
Indiqué : Mention du xviie s., Bibliothèque nationale, français 16188, fol. 6 v°, d'après un Cartulaire de Chelles, fol. 10 v°.
Texte établi d'après B.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Hugo de Pomponna in presentia nostra constitutus, de assensu et voluntate fratrum suorum Johannis et Milonis, totam decimam tam bladi quam vini quam habebat de salice de Gagny usque ad rivum de Villa Vonde et usque ad petras alveti sicut idem rivus descendit in Maternam (sic) fluvium, pro octingentis libris parisiensibus (sic), vigenti libris minus, vendidit ecclesie monialium de Kala et torcularia que habebat in ipsa terra ubi decima percipitur. Super hac autem vendicione tenenda Robertus Malusvicinus, Garnerus de Laigny, Guillermus de Cornillon, Guillermus Clugnet, Droco de Sancto Dyonisio, Guillermus de Aneto, Symon de Compans, Guido de Vemart, Milo de Chuisi, Guido de Ruppe, Johannes de Nantholio, Petrus Latruye, Galterus Gratart, Guillermus de Guignecourt, Symon de Pissiaco, Andreas de Villanova, Petrus de Musteriolo, miles, Johannes Badrans de Latiniaco, Odo Frontinus de Kala et Odo de Louvris, burgensis (sic) de Kala, per fidem suam erga moniales pro Huguone usque ad mille libras parisiensium singuli de quinquaginta libris plegii sunt, hoc modo quod si Johannes, pater Huguonis, de peregrinatione sua reversus non fuerit vel reversus vendicionem istam concesserit, ipsi plegii in nullo monialibus tenebuntur ; si vero reversus noluerit hoc laudare et ratum habere, ipsi plegii de mille libris parisiensibus (sic) reddendis monialibus tenebuntur et ad ipsum Johannem decima revertetur, sed fructus interim percepti penes moniales nichilominus remanebunt. Cum ergo decima eadem de feodo episcopi Parisiensis moveret, dictus episcopus ad preces partium dictam vendicionem ratam habuit et sigillo suo confirmavit. Et nos, ad peticionem dicti Huguonis ut ratum et firmum imposterum permaneat, sigilli nostri auctoritate et regii nominis caractere inferius annotato presentem paginam confirmamus. Actum Parisius, anno ab incarnatione Domini millesimo ducentesimo sexto, regni vero nostri anno vicesimo septimo, astantibus in palacio nostro quorum nomina supposita sunt et signa. Dapifero nullo. Signum Guydonis buticularii. Signum Mathei camerarii. Signum Draconis (sic) constabularii. Data vacante cancellaria, per manum fratris Guarini (Monogramme).