1206, du 2 avril au 31 octobre. — Châteauneuf-sur-Loire.
Philippe Auguste notifie l'affranchissement de trois cents serfs de l'église de Saint-Aignan d'Orléans, parmi lesquels quelques-uns se disaient chevaliers. Ils devront vendre dans l'année aux manants de Saint-Aignan les possessions qu'ils pourront avoir dans la terre de l'église. Le roi confirme cet affranchissement, attendu qu'il est pieux de libérer du joug de la servitude humaine l'homme formé à l'image de son Créateur.
A. Original perdu.
a. Chanoine R. Hubert, Antiquitez de Saint-Aignan d'Orléans, Preuves, p. 109.
Mention : Copie du xviiie s. conservée dans les archives du chapitre de Saint-Aignan d'Orléans « armoire 3e, caisse 33, cote unique, n° 4 ». Bibliothèque nationale, français 11994, p. 595.
Texte établi d'après a.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri, quod dilectus et fidelis noster capellanus Willelmus, Beati Aniani Aurelianensis decanus, et universum ejusdem ecclesie capitulum, de assensu et voluntate nostris, servos quosdam ecclesie sue manumiserunt, ad manumissionis sue testimonium chartam sigillo capituli sui signatam indulgentes, hoc modo quod nullus manumissorum vel heredum suorum de cetero in territorio predicte ecclesie possessionem habebit, quam aliis hominibus ejusdem ecclesie Sancti Aniani in territorio ipsius manentibus non teneatur vendere infra annum, alioquin ad dictam ecclesiam tanquam propria revertetur. Ne autem adversus eos vel heredes eorum qui hujus manumissionis beneficium sunt adepti, iterum calumpnia servitutis alicujus occasione insurgat, vel ne quisquam de servis ecclesie Beati Aniani huic manumissioni in ipsius ecclesie prejudicium se opponat, manumissorum nomina litteris capituli et nostris presentibus, quos ad petitionem dicti Willelmi capellani nostri et totius capituli Sancti Aniani super hoc conscribi precipimus, inserenda decrevimus, eo tenore quod nullus pro manumisso tenebitur, cujus nomen in litteris capituli et in presenti carta nostra non invenietur expressum. Manumissorum autem nomina, numero CCC, inter quos quidam se milites dicebant, hec sunt : Gotherius de Sentilliaco, Aubertus de Juxta muros, Morellus Faber etc. Attendentes igitur quod pium est hominem ad imaginem Dei creatoris formatum, ab humane jugo servitutis absolvere, ad petitionem, sicut diximus, Willelmi decani et totius capituli Sancti Aniani, hanc hominum suorum manumissionem ratam habentes, ut hoc perpetue stabilitatis robur obtineat, sigilli nostri auctoritate et regii nominis caractere inferius annotato presentem paginam roboravimus. Actum apud Castrum Novum supra Ligerim, anno ab incarnatione Domini 1206, regni vero nostri anno 27, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Drogonis constabularii. Data vacante cancellaria per manum fratris Guarini.