1206, avril. — Anet.
Philippe Auguste déclare que, Hugue le Portier ayant vendu sans autorisation à Richard Comin des maisons et des terres qui étaient fiefs de Saint-Ouen de Rouen, l'abbé et le couvent se sont plaints au roi. La vente a été annulée et Hugue a vendu et complètement abandonné à l'abbaye les terres et maisons en litige.
A. Original, jadis scellé de cire verte sur lacs de soie rouge, selon D. Hauteur 243 mm., largeur 265 mm. Archives de la Seine-Inférieure, 14 H 228.
B. Copie du xviiie s., Bibliothèque nationale, Collection Moreau, vol. 108, fol. 235, d'après A.
C. Copie du xve s., Cartulaire des baronnies de Saint-Ouen, fol. 248 v°, pièce cotée Périers A, 14, Archives de la Seine-Inférieure, 14 H 19.
D. Extrait par F.R. de Gaignières, Bibliothèque nationale, latin 5423, p. 231, d'après A.
a. F. Pommeraye, Histoire de Saint-Ouen, p. 438.
Indiqué : L. Delisle, Cartulaire normand, p. 24, n° 133, d'après a.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod cum Hugo Portarius assensu Mathildis uxoris sue et heredum ipsorum domos suas de Piris cum porprisio et omnibus pertinentiis, cum omni jure quod in eadem villa et in pertinentiis suis habebat vel habere poterat, cum terra de Gastinis, cum terra de Colemont, sine assensu et voluntate abbatis et conventus Sancti Audoeni Rothomagensis de quorum feodo predicte terre esse noscuntur, ipsis etiam non requisitis, Ricardo Comin, militi, pro ducentis libris et centum solidis turonensium vendidisset, ipse Hugo postea, de mandato nostro, quoniam predicti abbas et monachi conquesti fuerant super hoc quod de eorum feodo sine ipsorum assensu factum fuerat, totum illud quod de prefato Ricardo nomine venditionis facte receperat coram baillivis nostris et coram Enardo, tunc majore Rothomagensi, reddidit, et ipse Ricardus predictas terras et tenementa cum omnibus pertinentiis suis integre ipsi Hugoni reddidit et resignavit. Idem vero Hugo ipsum de hominagio quod exinde eidem fecerat quitavit, et prefatas terras de Colemont et de Gastinis et quicquid juris et hereditatis in predicta villa de Piris et Perrolio et in pertinentiis eorum habere poterat vel habebat in hominibus, in redditibus et in omnibus aliis rebus predictis abbati et monachis Sancti Audoeni Rothomagensis pro ducentis et triginta libris turonensium vendidit et omnino dereliquit. Abbas siquidem et monachi dederunt uxori ipsius Hugonis centum solidos pro hujus venditionis concessione et Engorrano filio ipsius primogenito similiter centum solidos, et idem Hugo, tactis sacrosanctis Euvangeliis, juravit quod in predictis terris et tenementis et aliis rebus prenominatis nichil de cetero reclamabit nec aliquis per eum, et si quis vellet eis super premissis calumpniam movere, ipse Hugo et heredes ejus ipsis predicta defendere et contra omnes gentes garantizare debent. Nos itaque predicta omnia ad petitionem utriusque partis tam ipsius Hugonis quam abbatis et monachorum Sancti Audoeni, sicut in carta predicti Hugonis continentur, laudamus et approbamus et presentem paginam sigilli nostri auctoritate et regii nominis karactere inferius annotato, salvo jure nostro, confirmamus. Actum Aneti, anno incarnati Verbi M° ducentesimo sexto, regni vero nostri anno vicesimo septimo, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. S. Mathei camerarii. S. Droconis constabularii. Data vacante (Monogramme) cancellaria.