1206, mai. — Champtocé.
Philippe Auguste confirme les donations faites à l'abbaye de Fontaine-Daniel par Juhel de Mayenne, son fondateur.
A. Original perdu.
B. Copie du xive s., Archives nationales, JJ 38, fol. 34 v°, n° 57, d'après un vidimus de A donné, en raison de la vétusté de l'original, par Philippe le Bel en mars 1301.
C. Copie du xviie s. par F.R. de Gaignières, Bibliothèque nationale, latin 5475, fol. 9 et 10, d'après A.
D. Copie du xviie s. par Dom Housseau, Bibliothèque nationale, Collection de Touraine, vol. 6, n° 2208.
E. Mention du xviiie s., Bibliothèque nationale, Collection de Touraine, vol. 20, fol. 168.
a. Gallia Christiana (1656), t. IV, p. 408.
b. Cartulaire de l'abbaye cistercienne de Fontaine-Daniel, publié et traduit par A. Grosse-Duperron et E. Gouvrion, p. 48, n° XXIII.
Indiqué : L. Delisle, Cartulaire normand, p. 24, n° 142.
Texte établi d'après C et D.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Juhellus de Meduana, fundator abbatie de Fonte Danielis, dedit et concessit in perpetuam elemosinam dicte abbatie totum nemus de Saleto et de Poilleio cum omnibus pertinentiis suis, et totum parcum de Meduana, stagnum de Mota cum molendino ejus, stagnum Bondie cum molendino ejus et totam haiam de Amuoria cum ipso loco in quo abbatia fundata est, totam terram de Cepeleria, de Chauvoneria, de Rocha, totam terram Raginaldi Falconarii et quicquid idem R. habuit in burgo Sancti Georgii et in Loheria ; omnia molendina ejusdem Juelli que sunt in villa Meduane cum pertinentiis suis ; molendinum de Grenor et totum dominicum suum in aqua Meduane ; item apud Meduanam vineas Boneti et Salomonis judeorum ; herbergamentum ejusdem Salomonis quod est in eadem villa et in eodem herbergamento unum hominem semper liberum et quietum. Concessit etiam dictus Juellus et dedit eidem abbatie in puram elemosinam quicquid habebat apud Fontanetum Paganelli et apud Moschans et Segrevillam cum omnibus pertinentiis eorumdem maneriorum, et quicquid ipse habebat apud Regisvillam in berqueria et XX solidos cenomannensium in galbalgio et maresium Garsicar : apud Bécherel XX solidos, VI quarterios frumenti perpetui redditus, et L solidos cenomannensium in passagio de Romilleio, et in Fossa Loven unam masuram, et decimam partem totius redditus ejusdem Juelli de terra examplata et examplanda in eadem foresta de Fossa Loven, et duas partes decimarum ejusdem terre et decimam molendini. Dedit etiam et concessit dictus Juellus dicte abbatie tres granchias eum pertinentiis suis, videlicet Champoium allodium, Salicem Reginaldi, etiam Gaudineria et Massilleia, quas granchias idem Juellus emit ab abbatia Clarimontis, et propter hoc dedit in elemosinam eidem abbatie Clarimontis omnia molendina sua de Herneia et de Vahaia cum omnibus pertinentiis in perpetuam elemosinam habenda. Item dictus Juellus dedit et concessit dicte abbatie de Fonte Danielis et omnibus pertinentiis suis in omnibus forestis et nemoribus suis usuagium ad ipsam abbatiam et ad omnia edificia monachorum construenda et reparanda et habere proprios porcos in omnibus forestis suis quando et ubi aliis porcis erunt communes. Dedit etiam et concessit dictus Juellus eidem abbatie quod quidquid in terra ejus poteret abbatia illa juste adquirere, salvis redditibus ejusdem Juelli, in perpetuum teneat et possideat. Dedit etiam eidem abbatie et omnibus hominibus ejus et omnibus rebus ad ipsam pertinentibus libertatem et quitanciam de omnibus rebus que ad eum vel ad heredes suos pertinent per totam terram suam. Quod ut firmam obtineat stabilitatem sigilli nostri auctoritate et regii nominis karactere inferius annotato, ad petitionem dicti Juelli, presentem paginam, salvo jure nostro, confirmamus. Actum apud Chantoceium, anno ab incarnatione Domini M° CC° sexto, regni vero nostri anno XXVII°, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii. Data vacante (Monogramme) cancellaria, per manum fratris Guarini.