1207, mars. — Paris.
Philippe Auguste confirme l'accord conclu devant lui et sa cour entre le doyen et le chapitre de Chartres, d'une part, et la comtesse de Blois d'autre part, au sujet de droits de police et de justice.
A. Original perdu.
B. Copie du xiiie s., Livre 1 des Privilèges de l'église de Chartres, Bibliothèque nationale, ms. lat. 10094, p. 162.
C. Copie du xiiie s., Livre 2 des Privilèges de l'église de Chartres, Bibliothèque nationale, ms. lat. 10095, fol. 21.
D. Copie de 1678, Archives d'Eure-et-Loir, G 533, d'après « un cartulaire couvert en cuir blanc ».
a. H. de Lépinois et L. Merlet, Cartulaire de Notre-Dame de Chartres, t. II, p. 36, n° 177, d'après C.
Texte établi d'après BCD.
Philippus Dei gratia Francorum rex amicis et fidelibus suis decano et capitulo Carnotensi salutem et dilectionem. Venientes ad nos nuncii vestri, ecclesie vestre negotium deferentes, post varias rationes et allegationes tam ab ipsis quam a comitissa Blesensi super causa quam adversus eam habebatis propositas, tandem, de utriusque partis assensu, super variis querelis quas ad invicem habebatis, compositio et pacis reformatio coram nobis facta est in hunc modum : prepositus comitisse emendabit vobis hoc quod ipse noluit mulierem reddere vel recredere vel sufficientem rationem ostendere quare eam cepisset et, si tale quid de cetero contingeret, forisfactum hinc inde monstraretur ubi deberet monstrari, et vos facietis ipsam mulierem tradi preposito comitisse et ille reddet eam vobis cum rebus suis ablatis vel equivalens. Item, vos poteritis capere homines vestros de corpore per totam terram comitisse, et ipsa similiter suos per totam terram vestram. Item, de contentione illa de homine cui auricula fuit abscisa, compromissum est hinc inde in eo quod Petrus de Villa Breton et Guillelmus Menerii et Symon de Bero, concanonicus vester, legitime per sua sacramenta inquisierint, scilicet cujus est magna justicia de Theivilla ubi captus fuit homo ille, et id quod ipsi tres arbitri vel eorum duo per sua sacramenta fuerint arbitrati, tenebitur ab utraque parte. Si vero alter dictorum militum moreretur antequam eorum esset arbitrium promulgatum, nos alium loco illius legitimum arbitrum poneremus, et vos similiter unum alium de canonicis vestris, si predictum Symonem mori contingeret, poneretis. Dictum vero eorum promulgabitur infra instantem Penthecostem, et si comitissa vel vos ab hac compositione resilieritis, nos aliud dictum teneri faciemus. De Michaele Midi ita est ordinatum : comitissa tradet eum vobis, salvo jure vestro et salvo jure suo et heredum suorum. Hec autem omnia, sicut supra dicta sunt, tam ipsi nuncii vestri quam etiam comitisse coram baronibus nobis astantibus tenenda bona fide et sine malo ingenio promiserunt, nos hinc inde requirentes ut predictorum arbitrorum dictum faceremus teneri. Actum Parisius, anno Domini M° CC° sexto, mense marcio.