1207, du 22 au 30 avril, ou 1208, du 1er au 5 avril. — Paris.
Philippe Auguste confirme l'acte par lequel Henri, abbé, et le chapitre de Saint-Denis ont constitué à vie Pierre de la Tournelle l'aîné prévôt de leur terre du bocage de Lyons, à savoir de Morgny, de Lilly et de Fleury.
A. Original perdu.
B. Copie du xiiie s., Cartulaire blanc de Saint-Denis, Archives nationales, LL 1158, p. 615.
a. L. Delisle, Cartulaire normand, p. 291, n° 1088, d'après B.
b. A. Le Prévost, Notes et mémoires pour servir à l'histoire du département de l'Eure, t. II, p. 423-424, d'après a.
Philippus Dei gratia Francorum rex universis ad quos presens scriptum pervenerit salutem. Noveritis quod, sicut ex autentico scripto Henrici, abbatis Sancti Dyonisii, et capituli cognovimus, idem Henricus et predictum capitulum, de communi assensu, Petrum de Tornella, majorem natu, constituerunt prepositum ad vitam suam in terra sua de boscagio de Lyons, scilicet de Morigni, de Lylli et de Flori cum earum pertinentiis, ita quod dictus Petrus preposituram illam fideliter custodiet et se ipsis fidelem exhibebit et de eadem prepositura viginti libras parisiensium in octabis sancti Dyonisii ipsis, caritatibusque eorum quinque solidos, et in Natali Domini frescengiam unam infirmario annuatim reddet, et infra quinquennium a susceptione presentium litterarum et termino conscriptionis earum, centum libras in herbergagio, testimonio proborum virorum, ponere tenebitur, salva eis donatione ecclesiarum suarum, et salva procuratione dicti abbatis semel in anno, quando ad locum ipsum abbatem venire contigerit. Idem autem Petrus omnia tam mobilium quam immobilium incrementa que in prefata prepositura est facturus, ad ecclesiam Beati Dyonisii in decessu suo in integrum reversura, prestito juramento, promisit. Cum autem predictus Petrus ad ipsos venerit, ipsum procurabunt sicut prepositos suos solent procurare. De ista autem conventione in bona fine tenenda, idem Petrus ipsis assignavit in contraplegium quicquid tenet ab ipsis, vel quicquid habet sub jure ipsorum atque dominio. Nos vero, ad petitionem utriusque partis, hujus rei testimonium perhibemus et, ut ratum et firmum permaneat, presentem paginam confirmamus. Actum Parisius, anno dominice Incarnationis millesimo CC° septimo, mense aprili.