1207, du 22 avril au 31 octobre. — Paris.
Philippe Auguste réduit à quatre vingt le nombre des religieuses d'Yerres, en raison de la pauvreté du couvent.
A. Original jadis scellé, vraisemblablement sur double queue. Hauteur 150 mm. ; largeur 150 mm. Archives départementales de l'Essonne, 63 H 43.
B. Copie du xviiie s., Archives nationales, K 179, n° 8, d'après A.
Indiqué : Baluze, Epistolae Innocentii III, t. II, p. 155.
In nomine sancte et individue Trinitatis. Amen. Ph[ilippus] Dei gracia Francorum rex. Noverint universi presentes pariter et futuri quod nos, ad petitionem abbatisse et conventus Hederensis ecclesie propter paupertatem loci et multitudinem monialium aggravate, de communi voluntate abbatisse et conventus ejusdem ecclesie, volumus et concedimus ut monialium et conversarum numerus ad octoginta moniales et conversas reducatur, nec aliqua ibi recipiatur nec de aliqua recipienda promissio fiat ab eis donec ad hunc numerum perducantur, tali quidem tenore quod si contra hoc statutum aliqua ibi recipiatur monialis vel conversa, carta ista statim revocetur, nec abbatissa nec conventus ea de cetero possit uti. Quod ut firmum sit et stabile, presentem paginam sigilli nostri auctoritate et regii nominis karactere inferius annotato confirmamus. Actum Parisius, anno Domini M° ducentesimo septimo, regni vero nostri anno vicesimo septimo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii. Data vacante (Monogramme) cancellaria.