1207, [octobre]. — Pacy-sur-Eure.
Philippe Auguste confirme le don de vingt acres de bois près de Glisolles fait aux moines de La Noë par Amaury « Pullus » qui leur a abandonné en outre une rente de six sous tournois qu'ils lui devaient à la suite de l'échange qu'ils avaient conclu avec son père.
A. Original jadis scellé. Hauteur 148 mm. ; largeur 195 mm. Archives de l'Eure, H 687.
a. A. Le Prévost, Notes et mémoires pour servir à l'histoire du département de l'Eure, t. II, p. 183.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Amarricus Pullus, filius Guillelmi Pulli, monachis et abbatie Sancte Marie de Noa, pro salute anime patris sui et sue et antecessorum suorum, concessit in puram et perpetuam elemosinam viginti acras nemoris de bosco suo de Glisoliis, juxta nemus illud quod Willelmus Pullus pater ejus dederat eisdem monachis in excambio pro usibus et consuetudinibus quas habebant in nemoribus de Glisoliis que fuerunt Willelmi Harenc et Basilie de Glisoliis, libere penitus et quiete possidendas in perpetuum, et ad faciendum voluntatem suam de predictis viginti acris tam de nemore quam de terra. Preterea dedit eis et quitavit sex solidos turonensis monete quos ipsi annuatim reddere tenebantur ei et heredibus suis pro terra illa quam acquisierant de Joscelino Maquerel. Nos quoque donacionem istam ratam habemus et, ad peticionem predicti Amarrici Pulli, sigilli nostri auctoritate et regii nominis inferius annotato karactere, salvo jure nostro, confirmamus. Actum apud Paciacum, anno Incarnationis dominice M° CC° septimo, regni vero nostri anno vicesimo septimo, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Dr[o]conis constabularii. Data vacante (Monogramme) cancellaria, per manum fratris Guarini.