1183, du 1er novembre, au 31 mars 1184. — Fontainebleau.
Philippe Auguste concède aux clercs d'Étampes la synagogue des Juifs d'Étampes.
A. Original perdu.
a. Fleureau, Antiquités d'Estampes, p. 380.
Philippus, Dei gratia Francorum rex. Noverint universi presentes pariter et futuri quoniam nos, Judeis a terra nostra fugatis, sinagogas eorum in ecclesias converti precepimus. Unde et sinagogam Judeorum Stampensium, intuitu Dei et ob remedium anime nostre et patris nostri bone memorie Ludovici regis, clericis Stampensibus concessimus ad faciendas ibi horas canonicas et ad ibidem Deo famulandum et canonice vivendum, et in eadem ecclesia decanum instituere. Unde et beneficia in illam collata ecclesiam et processu temporis juste conferenda concedimus et protegenda manu capimus. Que omnia ut in posterum rata et illibata permaneant, presentem paginam sigilli nostri auctoritate ac regii nominis charactere inferius annotato precepimus confirmari. Actum apud Fontem Blaudi, anno incarnati Verbi M C LXXXIII, anno V regni nostri, astantibus in palatio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Marci camerarii. Signum Matthei constabularii.