920. — Vienne.
Louis l'Aveugle, empereur, à la requête de son parent, le comte et marquis Hugues, donne en pleine propriété à son fidèle Engilbert un courtil et une vigne sis à Serpaize en Viennois, et faisant partie du domaine comtal.
A. Original perdu.
B. Copie de la fin du xie s., dans le Cartulaire C de Cluny, Bibliothèque nationale, ms. lat. nouv. acq. 2262, fol. lvii v° (p. 113), n° 121, sous la rubrique: «Preceptum Ludovici imperatoris quem (sic) fecit Ingelberti (sic) de villa Salpatia quȩ est in pago Viennensi.»
a. A. Bernard et A. Bruel, Recueil des chartes de l'abbaye de Cluny, t. I, p. 213, n° 223, d'après B.
Indiqué : U. Chevalier, Regeste Dauphinois, n° 1038.
In nomine Domini Dei ȩterni ac salvatoris nostri Iesu Christi. Ludovicus, gratia Dei imperator augustus. Oportet imperialem celsitudinem ut fidelium suorum devotionem remuneret, quos suis rite cognoscit adesse obsequiis. Quocirca omnium fidelium sanctȩ Dei ecclesiȩ nostrorumque presentium et futurorum comperiat universitatis generalitas quoniam Hugo, inclitus comes et marchio, nosterque fidelis et propinquus, majestatis nostrȩ excellentiam enixius expostulavit ut cuidam unanimi fideli nostro Ingelberto aliquid ex rebus de comitatu ipsius, que pertinent ad vicem comitatum, per preceptum nostre largitionis ad proprietatem concederemus. Cujus petitioni assensum prebentes, concessimus ei per hujus largitionis nostrȩ preceptum jamdictas res, quȩ sunt site in pago Viennensi, in villa Salpatia superiori, hoc est curtilum cum vinea insimul tenentes, qui terminat ex omnibus partibus via publica, ut sicut per hanc evidentem largitionem in eisdem rebus quicquit libera dispositione facere voluerit, sicut et de reliquis hereditatis sue rebus, ad habendum videlicet et possidendum vel cui voluerit relinquendum. Et ut hec nostre largitionis auctoritas inconvulsam obtineat firmitatem, manu propria subter firmavimus et anuli nostri inpressione adsignari jussimus.
Signum (Monogramma) Ludoici serenissimi augusti.
Uboldus notarius ad vicem Alexandri archicancellarii recognovi.
Datum est hoc preceptum Vienne civitati publice, anno ab incarnatione Domini DCCCCXX, in Christi nomine. Amen.