927, 25 décembre. — Vienne.
Louis l'Aveugle, empereur, à la requête de son fils, le comte Charles, restitue à l'église de Vienne et à l'archevêque Sobon la «villa» de Sérézin en Viennois, avec l'église Saint-Alban, enlevée à ladite église et réunie au domaine comtal.
A. Original perdu.
B. Copie du xviie s., par Baluze, Bibliothèque nationale, Collection Baluze, vol. 75, fol. 364 v°, d'après le Cartulaire de l'église de Vienne, fol. 76, n° 191.
C. Copie du xviie s., Bibliothèque nationale, ms. lat. 5214, p. 93, sous le titre: «De restitutione villae Cisiriaci cum ecclesia sancti Albani», d'après le même cartulaire.
D. Copie du xviie s., Bibliothèque nationale, ms. lat. 11743, fol. 151 v°, d'après le même cartulaire.
E. Copie du xviie s., par Dom Martène, Bibliothèque nationale, ms. lat. 17191, fol. 107, d'après le même cartulaire.
F. Copie du xviiie s., par P. de Rivaz, Diplomatique de Bourgogne, t. I, n° 44, Bibliothèque de M. de Rivaz, à Sion, d'après le même cartulaire.
a. Hauréau, Gallia christiana, t. XVI, instrumenta, col. 15, n° xx, d'après B.
b. E. Dümmler, Urkunden der italienischen und burgundischen Könige, dans Forschungen zur deutschen Geschichte, t. X (1870), p. 321, n° xvi, d'après C.
Indiqué : U. Chevalier, Description analytique du cartulaire de Saint-Maurice de Vienne, p. 43.
Indiqué : U. Chevalier, Regeste Dauphinois, n° 1082.
In nomine omnipotentis Dei et salvatoris nostri Iesu Christi. Hludovicus, ipsius favente gratia imperator augustus. Si sacris locis, morem imperatorum religiosorum antecessorum nostrorum sectantes, temporalibus ditamur bonis, id nobis ad praesentem vitam facilius transiendam et ad aeternam felicius obtinendam confidimus. Proinde comperiat omnium fidelium sanctae Dei ecclesiae nostrorumque, praesentium et futurorum industria quia dilectus filius noster, Karolus comes, nostrae sublimitatis excellentiam accedens, innotuit humiliter quandam villam in comitatu Viennensi sitam, quae vocatur Cisiriacus, cum ecclesia parrochiali sancti ..… temporibus priscis a religiosis christianis matri ecclesiae sancti Mauricii Viennae urbis conlatam, etiam inter reliquarum subtractionem rerum injuste fuisse sublatam et in comitali usus actenus fore redactam. Unde serenitati celsitudinis nostrae supplices obtulit preces quatinus, ob amorem Christi ac genitoris nostri vel genitricis nostrae, quorum corpora celeberrimo cultu in eadem matre ecclesia pernoscuntur humata, necnon et pro deprecatione ejusdem filii nostri, jamdictam villam, quae injuste vel temere ab eadem sancta matre ecclesia Viennensi subtracta fuerat, cum suis omnibus reditibus ac possessionibus inibi aspicientibus, sub omni integritate et inquisitione redderemus ac reddentes praefatae matri ecclesiae sancti Mauricii praecepto nostrae auctoritatis confirmaremus. Cujus precibus ac justis peticionibus tanto libentius cessimus quanto id nobis et ad memoriam praelibatorum genitorum nostrorum profuturum amplius perspeximus. Quocirca et hoc nostrae serenitatis praeceptum fieri censuimus, per quod praelibatam villam Cisirianum, cum omnibus sibi juste et legaliter pertinentibus, videlicet ecclesia, domibus ceterisque aedificiis, una cum ecclesia in honore beati Albani dicata, simul cum ceteris terris cultis et incultis, vineis, pratis et pascuis, silvis etiam et aquis aquarumque decursibus, necnon et mancipia utriusque sexus et aetatis ibi pertinentia, quaesitum vel inexquisitum, omnia et in omnibus praefatae ecclesiae sancti Mauricii suoque pontifici Sobboni suisque successoribus ejusdem ecclesiae rectoribus atque tutoribus reddimus ac reddita perpetuis temporibus eorum utilitatibus subesse volumus atque prodesse. Quicumque autem hanc nostram restitutionis conlationem violare in aliquo temere praesumpserit, pro sacrilega temeritate et audaci praesumptione XL librarum auri poenam percellat, medietatem camerae nostrae, medietatem sancti Mauricii aerarii. Et ut haec nostrae largicionis ac restitucionis auctoritas inviolabilem optineat firmitatis vigorem, manu propria subter firmavimus et anuli nostri impressione adsignari jussimus.
Signum Hludovici (Monogramma) serenissimi augusti.
Ubboldus notarius scripsit.
Datum est hoc praeceptum Viennae publice, VIII kal. jan., anno XXVII domni nostri Hludovici augusti, in Christi nomine. Amen.