927, 27 novembre. — Vienne.
Louis l'Aveugle, empereur, concède aux chanoines de Saint-Maurice de Vienne la «villa» de «Crotis», avec l'église Saint-Didier.
A. Original perdu.
B. Copie du xviie s., par Baluze, Bibliothèque nationale, Collection Baluze, vol. 75, fol. 366, d'après le Cartulaire de l'église de Vienne, fol. 77, n° 192.
C. Copie du xviie s., Bibliothèque nationale, ms. lat. 5214, p. 97, d'après le même cartulaire sous le titre: «de Crotis cum ecclesia sancti Desiderii».
D. Copie du xviie s., Bibliothèque nationale, ms. lat. 11743, fol. 152 v°, d'après le même cartulaire.
a. U. Chevalier, Cartulaire de Saint-André-le-Bas, appendice, p. 231, n° 21*, d'après BC.
b. E. Dümmler, Urkunden der italienischen und burgundischen Könige, dans Forschungen zur deutschen Geschichte, t. X, p. 320, n° xxv, d'après C.
Indiqué : U. Chevalier, Description analytique du cartulaire de Saint-Maurice de Vienne, p. 43.
Indiqué : U. Chevalier, Regeste Dauphinois, n° 1081.
Cet acte est mentionné dans l'obit de Boson, cité par Le Lièvre (Antiquités de Vienne, p. 334), d'après le nécrologe de la cathédrale de Vienne: «Et Ludovicus imperator, filius ejus [Bosonis], dedit nobis villam ad Crotas, id est in confinio Viennensi secus fluviolum Elsonem.»
In nomine sanctae et individuae Trinitatis. Hludovicus superna protegente gratia imperator augustus. Si sacris locis emolumentum nostrae imperialis [celsitudinis] exibemus, profuturum nobis id ad praesentem vitam facilius transiendam et ad aeternam felicius obtinendam confidimus. Proinde comperiat omnium fidelium nostrorum praesentium et futurorum industria quoniam quidem nos, pro remedio animae quondam genitoris vel genitricis nostrae et pro adipiscenda mihi aeternae vitae retributione, concedo sacrosanctae ecclesiae sancti Mauricii suisque canonicis quandam villam Crotis cum ecclesia sancti Desiderii, cum omnibus suis pertinentibus vel quicquid ibi juste et legaliter visus sum obtinere in terris cultis et incultis, vineis, pratis et silvis, domibus ceterisque aedificiis. Unde et hoc nostrae largitionis praeceptum eis fieri praecepimus, per quod memorata ecclesia sancti Mauricii et ipsi supradictas res jure obtineant hereditario ad victum in refectorii mensam, ut in eadem sancta matre ecclesia, ubi tumulata habentur patris vel matris meae ossa, omni tempore illorum et mea habeatur memoria. Et si aliquis temerario ausu ex his rebus praefatam ecclesiam expoliare temptaverit vel quicquam minuere praesumpserit aut a mensa fratrum subtrahere conaverit, velut sacrilegus sit alienus a communione fidelium et sanctorum omnium et quibus litem intulerit multatus auri libras X componat. Et ut haec cessio omni tempore habeatur firmior, manu propria firmavimus et anulo nostro assignari jussimus.
Signum Hludovici (Monogramma) serenissimi augusti.
Uboldus notarius jussu domni imperatoris scripsit.
Datum est hoc praeceptum Viennae, V kal. decembris, anno XXVII imperii domni nostri Hludovici augusti, in Christi nomine. Amen.