921, 24 décembre. — Vienne.
Louis l'Aveugle, empereur, à la requête de son cousin, le comte et marquis Hugues, donne à celui-ci les biens qui avaient appartenu à feu Siebod et à feu Bertrand, avec les serfs qui en dépendent.
A. Original perdu.
B. Copie du xviie s., par P.-F. Chifflet, Bibliothèque nationale, Collection Baluze, vol. 144, fol. 165, d'après les archives de Saint-Pierre de Vienne.
Indiqué : U. Chevalier, Regeste Dauphinois, n° 1044.
In nomine Dei omnipotentis et salvatoris nostri Iesu Christi. Luduwichus, ipsius opitulante clementia imperator augustus. Dignum est ut imperialis majestas procerum fideliumque suorum petitionibus tanto libentius annuat auremque pietatis gratanti accommodet animo quanto eos in obsequio suae magnitudinis perspexerit promptiores et in diversis exhibitionibus et utilitatibus alacriores. Igitur comperiat omnium fidelium sanctae Dei ecclesiae nostrorumque, praesentium et futurorum, industria quoniam Hugo, inclitus comes et marchio, nosterque carissimus fidelis et consanguineus, nostram enixius expetivit clementiam et mansuetudinem imperialem ut ei facere juberemus praeceptum ex quibusdam rebus quas quondam Siebodus et Bertrannus ad proprietatem sive ad beneficium obtinuerunt, quicquid videlicet in eorum parte evenit cum infantibus eorum Ingeldradam, Abolenum et Mariam sororem suam. Cujus precibus, propter devotissimum fidelitatis suae obsequium et inrevocabilem circa nos suae dilectionis benivolentiam, libenter adnuentes, hos nostrae auctoritatis apices fieri decrevimus, per quos memoratas res cum servo, nomine Aboleno, et ancillis, Ingeldradam et Mariam, supradictus Hugo marchio jure obtineat haereditario vel cuicumque voluerit libero distribuat arbitrio. Et ut haec nostrae largitionis auctoritas inconvulsam obtineat firmitatem, manu propria subter firmavimus et anuli nostri impressione adsignari jussimus.
Signum Ludowici serenissimi augusti.
Uboldus notarius ad vicem Alexandri archicancellarii recognovi.
Datum est hoc praeceptum Viennae publice, VIIII kalendas januarii, anno XXI imperii domni nostri Hluduwici serenissimi augusti, in Christi nomine. Amen.