902, 17 avril. — Vienne.
Louis l'Aveugle, empereur, à la requête de Rainfroy, archevêque de Vienne et archichancelier, et du comte Hugues, concède en pleine propriété au vicomte Berlion les «villae» de Poncin et de Chavanay, en Viennois, avec l'église Saint-Just.
A. Original perdu.
B. Copie du xviie s., par Baluze, Bibliothèque nationale, Collection Baluze, vol. 75, fol. 366 v°, d'après le Cartulaire de l'église de Vienne, fol. 77 v°, n° 192.
C. Copie du xviie s., sous le titre: «De Pontiana et Cabannaco et ecclesia sancti Johannis», Bibliothèque nationale, ms. lat. 5214, p. 65, d'après le même cartulaire.
D. Copie du xviie s., Bibliothèque nationale, ms. lat. 11743, fol. 153, d'après le même cartulaire.
E. Copie du xviie s., par Dom Martène, Bibliothèque nationale, ms. lat. 17191, fol. 103, d'après le même cartulaire.
F. Copie de la fin du xviiie s., par P. de Rivaz, Diplomatique de Bourgogne, t. I, n° xxviii, Bibliothèque de M. de Rivaz, à Sion, d'après le même cartulaire.
G. Copie du xviiie s., Bibliothèque nationale, Collection Moreau, vol. 3, fol. 164, d'après C.
a. Mille, Abrégé chronologique de l'histoire de Bourgogne, t. III, p. 333.
b. U. Chevalier, Cartulaire de Saint-André-le-Bas de Vienne, p. 219, n° 11*, d'après BCF.
c. E. Dümmler, Urkunden der italienischen und burgundischen Könige, dans Forschungen zur deutschen Geschichte, t. X (1870), p. 315, n° xxi, d'après C.
d. L.-P. Gras, Le Forez avant l'an mil, dans la Revue Forézienne, 4e année (1870), p. 150, d'après C.
Indiqué : U. Chevalier, Description analytique du cartulaire de Saint-Maurice de Vienne, p. 43.
Indiqué : U. Chevalier, Regeste Dauphinois, n° 973.
In nomine Domini nostri Jesu Christi, Dei aeterni. Hludovicus, divina ordinante providentia imperator augustus. Dignum est ut imperialis magestas in procerum suorum petitionibus oportuna praebeat beneficia eorumque utilitatibus praevideat pietatis suae aminiculo, quatenus eos nobilitando erga sua reddat promptiores obsequia. Itaque omnium fidelium sanctae Dei ecclesiae ac nostrorum, praesentium scilicet et futurorum, comperiat magnitudo quia Ragamfredus, venerabilis Viennensium archiepiscopus, necnon et sacri palatii nostri notariorum nostrorum summus, atque illustris comes Hugo nosterque propinquus, nostram expetierunt sublimitatem ut aliquantulum de rebus juris nostri, videlicet villam Pontianam fisci nostri debitam et Cabannacum ex eadem causa, cum ecclesia inibi in honore sancti Johannis dicata, et sunt ipsae res sitae in pago Viennensi vel in ipsis supradictis et villis et locis, quas omnes res cum universis adjacentiis et appendiciis suis cuidam inrevocabili fideli nostro, Beriloni vicecomiti, per nostrae largitionis auctoritatem jure concederemus proprietario. Quorum precibus libentissime adnuentes, hoc nostrae serenitatis praeceptum fieri censuimus, per quod memorato Beriloni vicecomiti praefatas villas, Pontianum videlicet et Cabannacum, cum ecclesia ibidem in honore beati Johannis dicata, cum mansibus et omnibus rebus atque universis adjacentiis et appenditiis eorum ad ipsas villas juste et legaliter pertinentibus, id est cum domibus caeterisque aedificiis, terris cultis et incultis, pratis, pascuis, silvis, molendinis, aquis aquarumve decursibus, exitibus et regressibus, quaesitum vel inexquisitum, necnon servis et ancillis, mancipiisque utriusque sexus et aetatis ad jamdictas villas vel ecclesiam pertinentibus, sicut supra insertum est, quicquid in ipsis vel ad ipsas villas juste et legaliter pertinere dinoscitur, totum et ad integrum praelibato Beriloni vicecomiti jure concedimus hereditario ac de nostra potestate in jus ac dominationem ipsius perhenniter habendum transfundimus, ita videlicet ut quicquid ab hodierna die et deinceps in eisdem vel de eisdem jure proprietario agendum esse decreverit, liberam in omnibus potiatur faciendi facultatem, sicut et de reliquis rebus hereditatis suae, absque alicujus contradictione vel repetitione. Et ut haec nostrae largitionis auctoritas [nostris] ac successorum nostrorum temporibus firmissimam atque inconvulsam obtineat firmitatem, manu propria subter firmavimus et anuli nostri impressione adsignari jussimus.
Signum Hludovici (Monogramma) serenissimi augusti.
Teudo notarius ad vicem Ragamfredi archicancellarii recognovi.
Datum Viennae civitati, XV kal. mai., anno dominicae incarnationis DCCCCII, anno etiam … imperii domni nostri Hludovici augusti. Actum Viennae civitati, in Christi nomine feliciter. Amen.