896. — «Strangiata villa».
Louis l'Aveugle, roi, à la requête de Bernoin, archevêque de Vienne, et du vicomte Berlion, donne au prêtre Drogon deux églises sises en Viennois, dans la viguerie de Vézeronce, à «Nautia» et à Vasselin.
A. Original perdu.
B. Copie du xviie s., par Louvet, Bibliothèque nationale, ms. lat. 17197, fol. 170, probablement d'après le cartulaire cité en C.
C. Copie du xviie s., même manuscrit, fol. 163, «ex chartul. Vien. a D. d'Herouval concesso».
a. R. Poupardin, Le royaume de Provence sous les Carolingiens, p. 406, n° ii, d'après B et C.
Indiqué : U. Chevalier, Regeste Dauphinois, n° 918.
In nomine sanctae et individuae Trinitatis. Ludovicus, gratia Dei rex. Si necessitatibus atque utilitatibus fidelium nostrorum divini cultus amore ferventes subvenire curamus, procul dubio fructum doni superni muneris a Domino consequi non dubitamus, imitantes vestigia praedecessorum nostrorum regum piorum. Quocirca omnium sanctae Dei ecclesiae nostrorumque fidelium, praesentium scilicet et futurorum, universitati notum fore cupimus quod Barnoinus, sanctae Viennensis ecclesiae archiepiscopus, et Berlio vicecomes, nostri fideles, nostram cernue adeuntes mansuetudinem, enixius postulaverunt quatenus cuidam venerabili sacerdoti, nomine Drogoni, nostro videlicet fideli, quasdam capellas, unam in honore sancti Ferreoli constructam, alteram in honore sancti Eusebii dicatam, cum omnibus appendiciis et adjacentiis illarum, per praeceptum nostrae auctoritatis jure haereditario concederemus. Quorum precibus assensum praebentes, hoc serenitatis nostrae praeceptum fieri decrevimus, per quod praedictus fidelis noster Drogo sacerdos easdem capellas futuris temporibus, cum omnibus rebus ad ipsas pertinentibus et aspicientibus et cum omni integritate, absque ullius contradictione, quieto et securo ordine possidere valeat. Sunt autem ipsae capellae in pago Viennensi, in vicaria Veseroncensi, una in honore sancti Ferreoli constructa in villa quae vocatur Nautia et altera in honore sancti Eusebii dicata prope villam quae dicitur Vassiliana. Has igitur capellas, cum omnibus appendiciis et adjacentiis illarum et cum omni integritate, praefixo fideli nostro Drogoni sacerdoti, ob ejusdem fidelitatis devotissimum servitium, libenter impendimus ac in ejus tradimus dominatione perpetualiter possidendas. Et ut haec nostrae praeceptionis auctoritas nostris futurisque temporibus inconvulsam atque inviolabilem obtineat firmitatem, manu propria subter roborantes anuli nostri impressione insigniri jussimus.
Sigillum Ludovici (Monogramma) serenissimi regis.
Arnulphus notarius ad vicem Barnoini archiepiscopi recognovi et subscripsi. Actum hoc praeceptum apud Strangiatam villam, anno incarnationis dominicae DCCCCXCVI, indictione XIIII, anno quinto regnante Ludovico glorioso rege.