896. — Orange (Église Saint-Florent).
Louis l'Aveugle, roi, à la requête de l'évêque Amelius, restitue à l'évêché d'Uzès diverses églises.
A. Original perdu.
a. Dom Vaissète, Histoire de Languedoc, t. II, preuves, col. 30, n° xvi, d'après les archives de l'église d'Uzès.
b. Gallia christiana, t. VI, instrumenta, col. 293, n° i, «ex autographo».
c. Recueil des historiens de la France, t. IX, p. 678, n° v, «ex autographo», ou peut-être d'après b.
d. Histoire de Languedoc, nouv. édit., t. V, preuves, col. 90, n° xvi, d'après a.
Indiqué : Bréquigny, Table chronologique, t. I, p. 352.
Indiqué : Böhmer, Regesta Karolorum, n° 1452.
Indiqué : U. Chevalier, Regeste Dauphinois, n° 922.
Établissement du texte d'après a b c.
In nomine sanctae et individuae Trinitatis. Ludovicus divina praeordinante clementia rex. Postquam a saeculo regalium dignitatum decus enituit et principum gloria decenter effloruit, semper eis justum et naturaliter venit ad posteros transfusum ut tanto libentius fidelium suorum deprecationibus faveant quanto eos prospexerint propensius in suis obsequiis efficaces atque ad utiliora quaeque agenda promptiores, quatenus et illos vehementius in suum famulatum inflamment et subsequentes ad eorum normam sibimet devotius obsequi dignanter informent. Igitur universis fidelibus sanctae ecclesiae nostrisque, praesentibus et futuris, notum fieri volumus qualiter Amelius, Ucetiae civitatis venerabilis episcopus, ad nostram accessit mansuetudinem, clementer suggerens et humiliter poscens quatenus sancto Theodorito, cujus ecclesiae, Deo favente, praeest episcopus, res quasdam priscis temporibus attributas, sed quorumdam cupiditate sublatas, nostrae auctoritatis titulo sancto restituere deberemus Christique martyri Theodorito. Cujus petitioni libenter assensum praebentes, ob peccaminum nostrorum relaxationem, ejusdem utillimum in omnibus atque indesinentem considerantes famulatum utpote rationabilem, propter fidelitatem maximam devotissimumque animum ac strenuum in omnibus servitium, alacriter annuentes, nostrae celsitudinis apices fieri sanximus, per quos [quippiam] juris nostri jure hereditario sancto Theodorito et Ucetiae sedi largimur et in posterum cunctis succedentibus, Christo favente, ad fruendum tribuimus, ecclesiam scilicet sancti Baudilii, a parte aquiloni non longe ab eadem civitate a sancto Firmino, ejusdem civitatis pastore, constructam, ubi et corpus ejus sanctissimum humatum veneratur, cum omnibus appenditiis ibidem pertinentibus, necnon et ecclesiam in honore sancti Juliani martyris sanctique Andreae apostoli et sanctae Basilissae virginis, cum omnibus subjacentiis, in media civitate Ucetiae ab ipso sanctissimo Christi confessore Firmino constructam opere miro, seu et ecclesiam sanctorum apostolorum Petri et Pauli, a parte septentrionali prope civitatem Ucetiae a beato Ferreolo, sanctissimo patrono ejusdem civitatis, constructam, ubi et venerabile corpus ejus venerabiliter humatum veneratur, cum omnibus appenditiis ad se pertinentibus, simulque et de duabus partibus de fisco Milciano ad nos pertinentibus, cum omnibus appenditiis, seu etiam ecclesiam sancti Marcelli, quam dicunt Deusintus, sancti Martini ad Marianum veterem, sanctique Caprasii, quam vocant beneficium quondam Orgarii, cum Campaniaco et Marbaco. Haec igitur omnia superius nominata, cum ecclesiis, terris et vineis, tam cultis quam et incultis, tam retentis quam et invasis, tam quaesitis quam inexquisitis, aquis aquarumve decursibus, cum famulis utriusque sexus, cum appenditiis universis ubicumque sint, cum exitibus et regressibus cunctisque adjacentiis suis, libenti et promptissimo animo impendimus atque sancti Theodoriti ditioni gratanter concedimus, ita ut ab hac die et deinceps inconvulse, firmiter atque inviolabiliter eadem ecclesia jure proprietatis teneat et absque ullius contrarietate possideat. Et ut haec nostrae praeceptionis auctoritas nostris futurisque temporibus inconvulsam atque inviolabilem obtineat firmitatem, manu propria subter roborari et annuli nostri impressione insigniri jussimus.
Signum Ludovici serenissimi regis.
Arnulfus ad vicem Barnuini archiepiscopi atque archicancellarii recognovi et subscripsi.
Actum est hoc praeceptum apud ecclesiam sancti Florentii in Aurasicensi civitate, anno incarnationis dominicae DCCCLXXXXVI, indictione XV, anno VI.