861, 14 juillet. — Mantaille.
Charles, roi, concède en pleine propriété à son archichapelain Remy, archevêque de Lyon, divers domaines sis au comté de Belley.
A. Original perdu.
B. Copie du xviie s., faite pour Louvet, Bibliothèque nationale, ms. lat. 17197, fol. 183 v°, sous le titre: «Praeceptum de rebus a domno Remigio postulatis», probablement d'après un cartulaire.
a. Menestrier, Histoire civile ou consulaire de la ville de Lyon, preuves, p. xxxiv, d'après la même source que B.
b. D'Achery, Spicilegium, 1re éd., t. XII, p. 122; 2e éd., t. III, p. 354, d'après B.
c. Recueil des historiens de la France, t. VIII, p. 398, n° iv, d'après b.
d. [Monfalcon], Origines et bases de l'histoire de Lyon, t. II, p. 271, d'après a b c.
Indiqué : Bréquigny, Table chronologique, t. I, p. 257.
Indiqué : Böhmer, Regesta Karolorum, n° 716.
Indiqué : Böhmer-Mühlbacher, Regesta imperii, n° 1332 (anc. 1295).
Indiqué : U. Chevalier, Regeste Dauphinois, n° 730.
Il y a, pour ce diplôme et pour les suivants, désaccord entre les éléments chronologiques de la date. L'indiction IX est celle de 861, tandis que la 5e année du règne, comptée à partir du 28 septembre 855, correspondrait à 860. Ainsi que nous l'expliquons dans l'Introduction, nous nous en tenons, pour ce diplôme et les suivants, avec Mühlbacher, à l'indication fournie par l'indiction, en supposant un changement dans le mode de compter les années de règne.
Établissement du texte d'après B a.
In nomine Domini nostri Iesu Christi, Dei aeterni. Karolus, divina ordinante providentia rex, piissimi condam Hlotarii augusti et incliti filius. Oportet regiam celsitudinem procerum fideliumque suorum utilitatibus tanto libentius annuere auremque pietatis suae gratanti animo accommodare quanto illos in suis obsequiis prospexerit promtiores atque in diversis exhibitionibus alacriores, quatenus illorum justam postulationem perficiendo implens in suis negotiis eos valeat habere efficaces ac in condignis cultibus ferventiores. Quocirca omnium sanctae Dei ecclesiae nostrorumque fidelium, praesentium scilicet et futurorum, universitati notum fore cupimus quod Remigius, Lugdunensis ecclesiae reverendus antistes nostrique palatii capellanus summus, nostram cernue adiens mansuetudinem, enixius postulavit quatenus illi, ob cujuslibet necessitatis suae suplementum, res quasdam proprietatis nostrae jure hereditario concederemus. Cujus precibus utpote affabilibus assensum praebentes, hos strenuitatis nostrae apices fieri decrevimus, per quos easdem res, morem praedecessorum nostrorum exequentes, eidem praesuli gratanter concedimus, quae sunt sitae in comitatu Belicensi, in diversis duntaxat locis, quorum ista sunt nomina: in Coronae villa, colonica vestita una et altera apsa cum vercaria; simili modo, in Auraliano, vercaria una; in Rostonnaco, metaritia una; in Mutiano, colonica vestita una et altera absa cum vercaria absque censu; in Blodennaco, metaritiae duae; in curte Metiara, metaritia una; in Cussano, metaritia una; in Lutiaco, vercaria una absa; in Anderno, vercaria absa una. Haec igitur omnia, tam culta quam inculta, tam retenta quam invasa, tam quaesita quam inexquisita, cum omnibus ad se pertinentibus, mancipiis scilicet, terris cultis et incultis, domibus, vineis, silvis, pratis, pascuis, aquis aquarumve excursibus, exitibus universisque adjacentiis praefato episcopo ob ejusdem devotissimum famulatum libentissime impendimus ac de nostro jure in ejus tradimus potestatem. Et ut haec nostrae praeceptionis auctoritas nostris futurisque temporibus inconvulsam atque inviolabilem obtineat firmitatem, manu propria subter illam roborantes, anuli nostri impressione insigniri jussimus.
Signum Karoli gloriosi regis.
Aurelianus notarius ad vicem Bertrai recognovi et subscripsi.
Datum II idus julii, anno Christo propitio regni domni nostri Karoli gloriosissimi regis V, indictione VIIII. Actum Mantalo publice, in Dei nomine feliciter. Amen.