855, 28 septembre. — 863, 24 janvier.
Charles, roi, à la requête de l'archevêque Remy, son archichapelain, restitue à l'église de Lyon les «villae» de «Livia», Collonges et Fitilieu.
A. Original perdu.
B. Copie du xviie s., faite pour Louvet, Bibliothèque nationale, ms. lat. 17197, fol. 177, sous le titre: «Praeceptum de Levia», probablement d'après un cartulaire.
a. Menestrier, Histoire civile ou consulaire de la ville de Lyon, preuves, p. xxxv, d'après la même source que B.
b. D'Achery, Spicilegium, 1re éd., t. XII, p. 125; 2e éd., t. III, p. 355, d'après B.
c. Recueil des historiens de la France, t. VIII, p. 399, n° vi, d'après b.
d. [Monfalcon], Origines et bases de l'histoire de Lyon, t. II, p. 272, d'après b c.
Indiqué : Bréquigny, Table chronologique, t. I, p. 258.
Indiqué : E. Mühlbacher, Regesta imperii, n° 1337 (anc. 1299).
Établissement du texte d'après B a.
In nomine Domini nostri Iesu Christi, Dei aeterni. Karolus, divina ordinante providentia rex, piissimi quondam Hlotarii augusti et incliti filius. Decet regalem excellentiam tanto fidelium suorum precibus libentius annuere, quanto eos in suis prospexerit obsequiis efficaciores atque in his quae ad divinum pertinent cultum et animae suae emolumentum cognoverit esse promtiores. Idcirco omnibus fidelibus sanctae Dei ecclesiae nostrisque, praesentibus scilicet et futuris, notum fieri volumus Remigium, Lugdunensis ecclesiae reverentissimum archiepiscopum nostrique sacri palatii capellanum summum, ad nostram deprecando accessisse clementiam ut villas sancti Stephani ecclesiae Lugdunensium, Liviam scilicet, Colonicas atque Fischibanum, cum omnibus suis adjacentiis, ecclesiae, cui ab antiquo datae esse dinoscuntur et multis jam annis injuste exinde ablatae comprobantur, ob aeternae vitae beatitudinem feliciter capessendam, nostrae auctoritatis privilegio eidem ecclesiae reformaremus et in aeternum inibi deserviendas censeremus. Cujus petitioni utpote rationabili ac piae clementissime faventes, nostrae celsitudinis apices fieri jussimus, per quos statuentes decernimus et modis omnibus jam dictae ecclesiae et praesulibus ibidem Domino famulantibus praefatas villas cum omnibus apendiciis suis praesentialiter confirmare et confirmando perpetualiter et integre cedimus, ita ut ab hac die et deinceps fixe, inconvulse atque inviolabiliter sine ullius contradictione vel diminutione ecclesia Lugdunensis ejusque pontifices habeant atque possideant. Et ut haec nostrae auctoritatis largitio nostris successorumque nostrorum temporibus perpetuam et inviolabilem obtineat firmitatem, manu propria eam subter roborantes anuli nostri impressione jussimus assignari.